DEAL WITH THE TYCOON BILLIONAIRE C18

CONNOR CAYDEN...

Nakarating s'ya sa kan'yang bahay na parang wala sa sarili. Ipinasok n'ya ang sasakyan ng bumukas ang gate at agad din na sinara iyon.

Matapos masiguro na maayos na ang nasa labas ay naglakad na s'ya papasok sa loob ng bahay. Katahimikan ang bumungad sa kan'ya. Bagay na nakasanayan n'ya na at balewala na sa kan'ya.

Ang kan'yang ibang mga pinsan, pagdating sa bahay ay maiingay na boses ng mga anak ng mga ito ang sumasalubong pagbukas pa lamang ng pinto ngunit s'ya ay isang nakakatakot na katahimikan ang bumubungad sa kan'ya sa tuwing uuwi s'ya.

Marahas s'yang nagpakawala ng hangin at nagpasyang pumunta sa kusina para kumuha ng tubig. Pakiramdam n'ya ay pagod na pagod ang kan'yang katawan ngayong araw dahil sa mga nangyari.

Wala ng ilaw sa kusina kaya naman ay kinapa n'ya ang switch ng ilaw para buksan para lang mapamura ng bumungad sa kan'ya si Indeeyyy na nakaupo sa upoan sa dining table at sobrang puti ng mukha.

Sa harapan nito ay may mga natatakpan at may hinala s'y