CHAPTER 13

NALIE ATHALIA...

Ilang segundo din s'yang hindi nakahuma at ng mahimasmasan ay ipinilig n'ya ang ulo at hinamig ang sarili.

Pakiramdam n'ya ang bilis ng mga pangyayari sa kanilang dalawa ni Adrian at hindi tama itong ginagawa n'ya kasama ang lalaki.

Oo nga at wala naman silang ginagawang masama ngunit hindi pa rin magandang tingnan na nasa pamamahay s'ya nito at may asawa s'yang tao.

At hindi na din maganda ang pakiramdam n'ya sa presensya ni Adrian at natatakot s'ya na baka tuloyan na s'yang maakit rito at pagsisihan n'ya ang lahat sa huli.

Alam n'ya ang ginagawa ng binata at hindi s'ya dapat magpadala sa mga ganitong taktika ng lalaki dahil hindi s'ya sigurado kung seryoso ba ito sa mga pinagsasabi o baka sinusubukan lang s'ya ng lalaki kung bibigay s'ya sa mga pang-aakit nito.

Ayaw n'yang maalipusta muli at masabihan na isa s'yang maduming babae dahil sa kan'yang nakaraan. Masakit pa rin sa kan'ya kapag naririnig n'ya ito sa bibig ni Lincoln ngunit kalaunan ay nasanay na rin s'ya pe