BILLIONAIRE'S SPECIAL MENU C96

MELCU CHUCK...

"Tatlong araw na ang nakalipas simula ng magkakilala ang kan'yang mag-ina at sobrang saya n'ya na sa wakas ay kumpleto at buo na sila. Ang anak nila ay ayaw ng umuwi kaya wala s'yang nagawa kundi ang hayaan itong mananatili sa hospital.

Maayos-ayos na din ang kalagayan ni Courtney at ang pagdating ni Pia ay may malaking tulong para sa recovery ng kan'yang asawa. Nakikita n'ya sa mga mata ni Courtney ang kagustohan nito na gumaling na agad para maalagaan ang kanilang anak.

"Hon," tawag ng asawa sa kan'ya. Nilingon n'ya ito at naabutan ito na inginuso si Pia na nakasiksik sa gilid ng ina nito at mahimbing na natutulog. Kani-kanina lang ay nakikipaglaro pa ito kay Courtney habang nakasampa sa hospital bed ng ina ngunit ngayon ay mahimbing na itong natutulog. Patunay lang ang tunog ng hilik ng anak na pareho nilang ikinatawa ni Courtney.

Lumapit s'ya sa kama at dahan-dahan na kinarga ang anak para ilipat sa isang kama na s'yang tinulogan nilang dalawa ng anak. Hindi sil