BILLIONAIRE'S BEAUTIFUL TROUBLE-MAKER 8

AARON ISAAC...

Sobrang hininingal na s'ya sa kakatakbo kaya nag desisyon s'yang harapin ang babae. Bakit ba s'ya natatakot dito eh isang babae lamang ang kaharap n'ya.

Nang masigurong malayo-layo na ang agwat n'ya mula rito ay tumigil s'ya at humarap sa dalaga.

"Stop right there woman!" banta n'ya. Tumigil naman ito at masama s'yang tiningnan. Akala n'ya ay makikinig ito sa kan'ya ngunit nagpahinga lang pala ito saglit at akmang susugurin na naman s'ya ulit kaya inilabas n'ya na ang kan'yang panghuling alas para mapatigil ito.

Binunot n'ya ang baril sa kan'yang tagiliran at iniumang sa dalaga. Nakita n'ya ang pagkawala ng kulay ng mukha nito na lihim n'yang ikinangisi.

"Matapang ka lang pala kapag walang hawak na armas ang kalaban mo ha," mahinang pagkausap n'ya na s'ya lamang ang nakakarinig.

"Sige subukan mong lumapit at pasasabugin ko ang ulo mo!" malamig na banta n'ya rito. Namumutla ito at nanginginig ang mga kamay na ibinaba ang hawak na itak sabay taas ng dalawang palad na anim