BILLIONAIRE'S BEAUTIFUL TROUBLE-MAKER 24

CALIXTA ASUNCION...

Nag-uusap sila ng mga kapatid ni Isaac para sa plano sa darating na kaarawan ng binata.

Kinalimutan n'ya muna ang tungkol sa litrato na ipinadala sa kan'ya ng kung sino. May ideya na s'ya kung kaninong numero ang nagpadala ng litrato at ngayon pa lang ay sinasabi n'ya na sa sarili na patawarin sana s'ya kung mataga n'ya ang bruhildang iyon.

Naalala n'ya ang banta nito sa kan'ya na hindi ito susuko kay Isaac. Pwes sinasabi n'ya rito na kailangan mabilis itong tumakbo dahil kapag hindi ay magiging dinuguan talaga ang kalalabasan ng mga parte ng katawan nito kapag naabutan n'ya.

"Ate Cali nakikinig ka ba?" sita sa kan'ya ni Amethyst.

"Ha? Ano ba ang sinabi mo?"

"Hay naku ate! Lutang lang ang peg? Hayaan mo nga muna ang nakita mo kanina, gagantihan mo na lang si kuya mamaya pag-uwi," solsol pa ni Garnette na s'yang pinaka maloko sa lahat.

"Pag yan nalaman ni kuya Isaac Garnette patay ka talaga sa kan'ya," si Sapphire sa kapatid.

"S'ya ang patay kay ate Cali. Kung ako s