Chapter 65

Nagising siya dahil may naririnig siyang nag- uusap sa sala. Hindi niya kaagad iminulat ang kaniyang mga mata at hinayaan lang ang kaniyang sarili na makinig sa taong nag- uusap doon.

Mahina lamang ang mga tinig ng mga ito ngunit nagawa pa ring umabot sa kaniyang pandinig ang boses ng mga ito.

Bigla siyang napamulat ng kaniyang mga mata. Kahit mahina ang boses nito ay kilalang- kilala niya ang nagmamay- ari ng tinig na iyon at hindi siya pwedeng magkamali.

Si Axe Finn iyon. Bigla siyang nabuhayan ng pag- asa.

Andito si Axe Finn! Sigaw ng isipan niya.

Gusto niyang magtatalon sa tuwa dahil rito. Hindi siya makasigaw dahil nga naka- tape ang bibig niya kaya ang ginawa niya ang bumaba siya sa kama pagkatapos ay binangga ang pinto para makagawa siya ng ingay.

Umaasa na marinig siya nito at tulungan siya nito upang tuluyan na siyang makaalis doon.

Ibinuhos niya ang buo niyang lakas para banggain ang pinto. Kumalabog ito at kumalansing din ang mga kandado nito sa labas.

Nabuhayan pa siya l