Kabanata 51

DANNY POV

Ayoko ko na sanang sagutin ang tanong ni Arrianne, tungkol sa kung ano ang totoong parusa sa pagdaan sa main door. Nakakahiya kasi. Pero naisip ko rin naman na kailangan niyang malaman para maiwasan na rin ang hindi pagkakaintindihan.

Sa utak mayro'n nga kasi itong 'Be ko, hindi malayong mag-isip nga siya ng masama. Baka mapurnada pa ang masayang sandali ng buhay ko. Nagsisisi tuloy ako, kung bakit 'yon pa ang naisip kong gawing parusa.

Sa pag-aakala na hindi na nga muling magbubukas ang puso ko sa kahit sinong babae ay naisip kong iyon ang gawing parusa para wala nang babae na basta-bastang makakapasok sa buhay ko. At kung may magpupumilit man ay panandalian lang. Isang gabi lang. Ngayon ko lang naisip na may kamanyakan din pala ako.

"Ano nga ulit 'yon, Sir?" tanong niya.

Napatikhim ako. Nakagat ko pa ang labi ko. "Danny?!" Galit na nga siya. Nagawa na nga akong tawagin sa pangalan ko.

Ngumiti ako. Ngiting nanlalandi. Baka sakaling madala sa landi at hindi na ako awayin.