Chapter 57

Aubrey's POV

Pagbalik namin sa mansion, ramdam ko pa rin ang konting kaba mula sa nangyari sa dinner. Hindi ko inaasahan na company dinner pala iyon, pero nag-enjoy naman ako dahil kasama ko si Adon.

Pagkababa namin sa chopper, hinarap ako ni Adon at hinawakan ang kamay ko.

“Salamat, Aubrey,” sabi niya, may halong sincerity sa boses niya. “Alam kong hindi ito ang inaasahan mo ngayong gabi, pero natutuwa ako na sinamahan mo ako.”

Ngumiti ako sa kanya. “Walang anuman, Adon. Kahit hindi romantic dinner iyon, basta’t kasama kita, okay na ako.”

Ngumiti rin siya, at napansin ko ang malalim na tingin niya sa akin. Parang may gusto siyang sabihin, pero pinili niyang hindi na lang. Hinawakan niya ang mukha ko ng marahan, at hinagkan ang noo ko.

“Tara na, magpahinga na tayo,” aya niya.

Sumunod ako sa kanya papasok ng mansion. Tahimik ang paligid, at tanging mga yabag lang namin ang naririnig habang paakyat kami sa kwarto. Pagdating namin sa bedroom, binuksan niya ang pinto para sa akin, at s