Chapter 23: Dying Inside

Hindi makapaniwala si Grace na aabot sa ganoon ang depresyong nararanasan ng kaibigan. Nasa St. Luke Hospital siya sa kasalukuyan at nasa loob ng emergency room si Arianne. Nahilamos niya ang sarili sa luha. Tigmak sa dugo ang suot niyang uniporme na galing pa sa trabaho niya.

Noon ay mag-aalas siyete pa lamang ng gabi at nasa labas siya ng room kung saan inaasikaso na si Arianne ng doktor at mga nurse sa loob. Panay din ang silip niya sa naroon bintana hanggang sa mangawit siya sa kakatayo at nagpasyang umupo. Wala pa ring tigil ang kaniyang kaiiyak.

Hindi matanggal sa isip niya ang hitsura ni Arianne na nadatnan kanina. Nakahandusay ito sa sahig habang nakatihaya. Sa kaliwang kamay nito ay hawak pa rin ang isang maiksing slicing knife na maaring siyang ginamit sa paglalaslas ng pulso nito. Ang kanang kamay naman nito na siyang pinaglaslasan ay inaagusan ng maraming dugo.

‘Diyos Ko Arianne!’ taning nasambit niya nang madatnan ito kanina. ‘What have you done to yourself? You almost k