Twenty

Lance Jericho'

"Kakambal ni Kenneth Whin Villagracia si Ian Fidel, ang ama ni Jarred?"

Iyon ang katanungang gumugulo sa isipan ko. Hindi ako makapaniwala sa nalaman. Ang pagkakaalam ko ay iisa lang ang Villagracia dito sa Las Piñas, iyon ay ang ama ni Jarred.

Gayunman, may pakinabang sa pagkakatuklas ko ng lihim na iyon. Makakatulong iyon sa pagpabilis ng usad ng kaso ni Dad Eric John.

Minsan ko pang ini-scroll ang impormasyon na nakita ko sa aking laptop.

Matapos kong matuklasan na kambal sila ay nagkaroon na ako ng isang plano.

'Ito na ang panahon para mabigyan ng hustisya ang pagkamatay ni Dad.' ito ang mga salitang naitanim ko na sa isipan ko. Ngayong napagtagpi-tagpi ko na ang dahilan kung bakit ko napapanaginipan ang tungkol sa kamatayan ni Dad at ni Edcel Kate Del Amor.

Iniisip ko noon na nagkataon lang na magkapareho kami ng apelyido. Na wala akong kinalaman sa panaginip na iyon. Pero nang matuklasan kong si Eric John ang aking tunay na Daddy at na si Daddy at si Eric John sa