Twenty One

Lance Jericho'

"Daddy Rodrigo, Mommy Estrella, may dapat kayong malaman." Iyon ang naging bungad ko kina Mommy at Daddy ng umagang iyon.

Naabutan ko silang nagtsa-tsaa pagbaba ko ng komedor.

Kapwa napatingin ng sabay ang mga ito nang marinig ako habang papasok ng komedor.

"O Hijo, gising ka na pala?" Bati ni Dad. " Halika na rito at sabayan mo na kami ng Mommy mo." Nakangiting dagdag pa ni Dad.

"Oo nga, Hijo." Segunda ni Mommy na nginitian ko. "O halika na dito, ano pa'ng tinitingin mo diyan?" Pagpapatuloy pa ni Mom nang nakitang nakatayo pa din ako sa pintuan.

Nakasimangot naman akong lumapit sa kanila dahil parang hindi nila narinig ang magandang balita kong natuklasan.

Lumapit ako at muling inulit ang sinabi ko kanina.

"Dad, Mom, Hindi niyo ba talaga ako narinig?" May pagkasupladong wika ko dahil parang hindi sila interesado sa ibinabalita ko.

"Ano ba kasi iyong sinisigaw mo kanina? Hindi ko narinig masyado e? " Reklamo ni Dad na nakatuon lang ang atensiyon sa binabasang ewan ko