Chapter Ninety-Two: Lason

“NAKUHA ko na ang bala!”

Napalingon si Theo at Ellias na nasa labas nang kotse upang mag matyag sa paligid kung may darating ‘man na kalaban nang marinig ang sinabing iyon ni Mr.Chan. Ilang minuto na nag nakakalipas simula nang dinala nila sa kotse si Stella upang tanggalin ang bala. “Bakit ganiyan?” takang tanong ni Ellias ng makita na tila putol ang bala.

“Anong klaseng bala ito? Naputol sa loob ng katawan niya?” takang tanong ni Mr.Chan at napatingin kay Stella na nakapikit at tila sobrang bigat ng iniinda. “Bakit parang namumutla siya lalo? Stella ayos ka lang ba?!” tanong ni Theo dito ngunit umiling lang si Stella. Nararamdaman ni Stella ang nasa paligid niya. Ang pagkuha ng bala sa kaniyang tagilira at inaasahan niya na kapag naalis na iyon ay matatapos na nag sakit na nararaman ngunit parang mas lalong lumalala ito.

Nagulat sila ng biglang hinablot ni Philip ang bala at dali-daling pinunasan iyon sa basahan at tinitigan. “Oh God,” mahinang sabi nito at agad na bumaba kotse