Kabanata 3

Mas tumindi ang pagkainis ng lahat sa akin nang lumabas ang mga salitang iyon sa aking bibig. Nagawa pa ng ibang dumura sa akin.

Umangat ang galit mula sa akin. Hindi ko pinansin ang dugong tumutulo sa aking mukha, nagngitngit ang aking mga ngipin habang tumititig ako sa butler para sabihing. “Wala akong pakialam kung sino ang nagbayad sa iyo para ikalat ang mga kasinungalingang iyan, pero pagmamayari ang villa na ito ng pamiyla Siegel! Ang aking asawa na si Thomas Siegel ang tunay na may ari nito!”

“Ang lakas naman ng loob mong magpakita sa isang kasal nang hindi ka imbitado para lang pagbuhatan ako ng kamay? Siguradong hindi ka makakawala sa sandaling malaman ito ng mapapangasawa ko!”

Sumabog sa katatawa si Haley habang sumisigaw ako sa galit. Narinig ko ang paghiwa ng kaniyang boses sa ere.

“Hahaha! Sinasabi mo ba na asawa ka ni Thomas Siegel? Sino naman ang lalaking iyon? Hindi ko pa naririnig ang pangalan niya kailanman. Sigurado ako na isa lang itong mahirap na pulubi. Siyempre naman, karapat dapat lang para sa isang babaeng katulad mo na magpakasal sa isang pulubi…”

“Gumagawa ka ng eksena sa kasal ko at sinira mo na rin ang aking mood. Hindi ka matututo kung hindi kita tuturuan ng leksyon. Girls, kayo na ang bahala sa kaniya!”

Isang utos niya lang ang kinailangan para sumugod ang mga utusan ni Haley sa akin na parang mga hayop. Pinunit nila ang aking damit at kinuha nila ang Hermes kong bag para sirain ito gamit ang gunting, ginawa nila iyon habang nilalait nila ako nang dahil sa pagdadala ko ng class A na mga pekeng luxury item.

Agad namang kinuha ng mga kararating rating lang na mga bisita sa villa ang kanilang mga phone para kuhanan ng video ang aming away.

Nagalala si Haley na baka masira ang kaniyang imahe sa kaniyang ginawa bilang si Mrs. Baumer kaya agad niyang sinabihan ang kaniyang mga utusan na hatakin ako papunta sa banyo.

Hindi nila pinansin ang mga sigaw ko nang ilublog nila ang mukha ko sa inidoro.

Halos mamatay at masuffocate ako sa amoy nito na para bang papatay sa akin. Ginamit ko ang buo kong lakas noong mga sandaling iyon sa sobrang desperasyon para itulak palayo si Haley at makatakbo palabas ng banyo. Dali dali akong lumabas ng villa.

Dito na sumigaw si Haley na napabagsak ko sa sahig, “Dalian ninyo! Hatakin ninyo ang babaeng iyan pabalik dito!”

Parang basahang nagkapunit punti ang aking mga damit habang nagmumukha akong kaawa awa, pero nakaparada sa labas ng villa ang aking kotse. Makakaligtas ako sa sandaling makasakay ako rito.

Kumapit ako sa natitira kong pagasa habang tumatakbo ako papunta sa aking sasakyan. Pero nang aabutin ko na ang pinto nito, agad nila akong nahabol.

Muli nilang sinampal ang aking mukha.

“Ang lakas naman ng loob mong tumakas? Oh, may sasakyan ka pala? Tingnan natin kung sino ang sugar daddy mo para makabili ka ng sasakyan!”

“Kaya pala napakabastos ng ugali mo. Isa ka lang palang maruming babae na nagpapagamit sa matatandang lalaki para sa pera! Girls, wasakin ninyo ang sasakyan niya!”

“Whoa! Isa itong top-tier na BMW ah? Emma, mukhang napakalaki pala ng halaga ng katawan mo. Kaya pala nagawa mong magpakita sa kasal ni Haley para gumawa ng eksena. Dahil diyan, sisirain namin ang career mo!”

Kumuha sila ng ilang mga bato para ikaskas sa balat ko. Hindi nagtagal. Nabalot ng duguang mga gasgas ang buo kong katawan habang sumisigaw ako sa sakit.

Pero hindi pa rin nakuntento ang mga ito sa pagsigaw at pagiyak ko. Kumuha sila ng malalaking mga bato na kanilang ipinambato sa aking sasakyan na bumasag sa mga bintana nito. Hinalughog nila ang mga gamit ko sa sasakyan habang malakas nila akong minumura.

“Hindi mumurahin ang mga gamit ng babaeng ito. Limited edition din ang scarf niyang gawa sa seda. Mukhang mayaman nga ang sugar daddy niya!”

“Napakarami rin ng mga sexy na nightgown sa compartment ng kaniyang sasakyan. Siguradong ginagamit niya ang mga ito para mangakit ng matatandang lalaki! Sunugin natin ang lahat ng ito!”

“Grabe! Sunugin na natin ito! Nakakatuwa itong makita!”

Sinunog nila ang mga gamit ko. Naglagablab ang apoy papunta sa akin habang duguan at naghahabol ng hininga akong nakabulagta sa lupa.

Natuwa nang husto si Haley nang mapanood niya ang eksenang iyon.

Ngumiti siya sa mga utusan niya bago niya sabihing, “Wala talaga kayong katulad! Huwag kayong magalala! Dahil sa sandaling mapakasalan ko si Joel, ipapakilala ko kayo sa ilang mga manager ng Novalux Group! Mararamdaman ninyo kung paano magkaroon ng successful na mga boyfriend!”

Sumigaw at naghiyawan ang mga utusan ni Haley para magpasalamat dito. Halos yumuko na sila nang husto sa harapan nito.

Dito na dumating ang kaniyang groom.

Bumaba mula sa sasakyan si Joel. Nakita niya ang apoy kaya agad siyang napasimangot habang naglalakad siya palapit. “Ano ang nangyayari? Bakit may apoy dito?”

Agad na sumugod si Haley papunta sa kaniya para sabihing, “Huwag kang magalala, darling. Sinusubukan ng bitter, at maruming babae na itong sirain ang kasal natin. Tinuruan ko na siya ng leksyon.”

“Sino ang may gustong sumira sa kasal natin?” Nagdilim ang mukha ni Joel habang niyayakap nito si Haley bago ito nanlalamig na suminghal ng. “Titingnan ko kung sino ang babaeng naglakas loob na gawin ito.”

Naglakad siya papunta sa akin para hatakin ang buhok ko hanggang sa maiharap niya ang mukha ko sa kaniya.

Halos hindi na makilala ang duguan kong mukha habang kumikislap ang nandidiring mga mata ni Joel sa akin. Itatapon na sana niya ako papunta sa tabi nang bigla siyang matigilan sa kaniyang napagtanto.

Gulat niya akong tinitigan habang nauutal niyang sinasabi na, “Mrs. Siegel? Bakit… Bakit po kayo nandito?”