Chapter 3

TILA natutupad na nga ang pangarap ni Sabrina, hindi lang siya basta napansin ni Vladimir kundi tila nagkaroon pa ito ng interes na higit siyang makilala. Mula sa kinatatayuan ay tila naparalisa ang dalaga. Ang bawat titig kasi ng binata ay tila nanununuot sa kalamnan ng dalaga, para siyang nakalutang sa alapaap nang yayain siya nitong ihatid pauwi. Ngunit nag-aalalang tinawagan niya si Criselda dahil sa alok ng binata.

"Señorita, hindi yata tama." tutol na saad ni Cris, nag-aalala na siya sa pinaggagawa nito. Gusto niyang magsisi na pinagbigyan niya pa ito.

"Gusto ko 'yung mumurahing paupahan, malayo sa marami, please. . ." pakiusap ni Sabrina.

Naiiling na napabuntong-hininga si Cris saka napilitang sundin ang kagustuhan nito. Nagpahanap si Criselda ng boarding house na mura lang ang upa at matatagpuan sa urban area. Nagpabili ng ilang kagamitan na para lamang sa iisang tao. Lahat ay dapat mumurahin ayon sa alaga niya. At tulad ng inaasahan ni Sabrina, inihatid nga siya ng binata sa boarding house.

"s-salamat," nakangiti niyang saad sa binata.

"Nasaan ang pamilya mo?" tanong nito.

Natigilan naman si Sabrina saka umiling.

"Ulila ka na?" Komportableng umupo si Vladimir sa nag-iisang monoblock na naroon habang umiikot ang tingin sa kabuuan ng silid.

Naku-konsensyang tumango si Sabrina, lihim na napapikit. Nasa di-kalayuan naman si Criselda sakay ng kotse habang nag-aabang at naka-monitor sa dalaga.

Nilingon ni Valdimir ang dalaga, nakita nitong atubili si Sabrina. Lihim na napangiti ang binata, gustong-gusto niya ang inosente nitong mukha. Tila wala pang muwang sa mundo. Tiyak na wala pa rin itong karanasan sa usaping sekswal. Nilapitan niya ito saka hinaplos ang pisnge. Dama niya ang kaba at paninigas ng katawan nito mula sa pagkakatayo.

"Relax, Sab."

Tumahip ang dibdib ng dalaga dahil sa mabilis na paghinga. Ipinikit ang mga mata saka buong-pusong tinanggap ang labi ng binata. Para siyang nasa alapaap, ganitong-ganito ang mga napapanood niya sa mga korea-novela. Bahagyang nangatal si Sabrina nang maglikot ang dila nito sa loob ng kaniyang bibig, hinapit na siya nito palapit sa katawan nito. First-kiss niya ang binata, unang lalakeng nagpadama sa kaniya ng ganitong pakiramdam.

Tila mabibingi si Sabrina sa lakas ng pagpintig ng puso habang nasa mga bisig ni Vladimir. Pangarap niya lang noon, natutupad na ngayon. Napasinghap siya nang bumitiw na ito, natutulalang napatitig sa gwapong mukha ng lalakeng kaytagal niyang pinangarap. Napatili sa isip si Sabrina, sila na ba ni Vladimir? Nananaginip ba siya?

"Magmula ngayon, akin ka na." nakangiting saad ni Vladimir. Napaawang ang bibig ni Sabrina saka sumilay ang kiming-ngiti.

Napapamura naman sa isip si Vladimir, "Damn!". Ang sarap niyang i-kama, aniya ng isip niya. Pilit ikinakalma ang nagwawalang nasa pagitan ng mga hita. Pinipigilan niya lang ang sarili na tuluyan itong tikman. Aamat-amatin niya lang ang katangahan nito. Gagawin niyang parausan. Sasamantalahin ang tila pagkahumaling sa kaniya. Itutulad niya rin ito sa mga babaeng nababaliw sa kaniya, gagawing laruan. Ibabasura kapag nagsawa na siya.

Gagap ang palad na iginiya niya ito pakandong sa kaniya habang nakaupo sa gilid ng katre na naroon. Ibang-iba si Sab sa mga babaeng naging karelasyon niya. Maamo ang mukha nito, walang kolorete, may kabaduyan sa pananamit ngunit napakakinis ng kutis. Hindi mo iisiping isa lang itong mahirap. Malambot ang palad nito, kasinlambot ng sariwa nitong katawan.

"M-magkasintahan na ba tayo?" tanong ni Sabrina na tila nahihiya. Inosenteng tinitigan ang gwapong mukha ng kaharap.

Ngumiti si Vladimir, "Oo," maikling tugon nito saka muling hinalikan ang dalaga na halatang wala pang alam sa pakikipaghalikan. Kumikibot-kibot lang ang labi nito at gustong-gusto niya ang katangahan nito. Natitiyak niyang siya ang makakakuha ng pagkabirhen ng dalaga.

Naiinip naman si Criselda sa pag-aabang na lumabas ng boarding house ang binata. Kinakabahang tinititigan ang pinto mula sa kinaroroonan. Mapapatay niya si Vladimir Hidalgo kapag may nangyaring masama kay Sabrina. Hinding-hindi niya mapapatawad ang sarili. Nakahinga siya ng maluwag nang matanaw na papaalis na ito. Hinintay niya lang itong makalayo saka mabilis na bumaba ng sasakyan.

"Señorita, huli na ito. Babalik na tayo sa mansion!" May diin ang tinig na saad ni Criselda. Naluluhang tumingin sa kaniya ang dalaga.

"Please Miss Cris, hayaan n'yo muna akong maging masaya." pakiusap nito.

"Buhay ko ang nakataya kapag napahamak ka."

"Ngayon lang po ako naging masaya, buong-buhay ko ay nakakulong ako sa mansion." Tumutulo ang luhang saad ng dalaga.

"Pero bakit naman sa ganitong paraan ka sasaya?"

Ngunit tila piniga ang puso ni Criselda nang makitang humihikbi na ito. Niyakap niya ang alaga saka bumuga ng hangin.

"Basta gusto ko makikinig ka sa'kin, maliwanag?" ani Criselda.

Namilog ang mga mata ni Sabrina dahil sa tinuran nito. Tuwang-tuwa na niyakap ang assistant.

TULAD ng gustong mangyari ni Sabrina, pansamantalang tumira ito sa boarding house, at umupa rin si Criselda ng isa pang pinto upang masubaybayan ito at maibigay ang lahat ng kailangan ng dalaga. Namuhay ito na tulad ng mga estudyanteng naroon na nangungupahan din ngunit lingid sa mga ito ang tunay niyang pagkatao.