Chapter 44

Gabi na nang magpaalam ang mag-ama na uuwi na. Hinatid namin sila sa harapan. Nang makaalis na ang mga ito ay nagsipasok na kami.

“Dad?” tawag ko sa Daddy ko. Lumingon naman siya sa akin at tumigil ako sa paglalakad. Hinintay ko pa munang makapasok ang iba.

“Ano po pala ang pinag-usapan niyo ni Kyle?” tanong ko sa kanya nang kami na lang ang natira sa labas. Ngumiti naman siya sa akin at inakbayan niya ako.

“Maaga siyang pumunta dito sa bahay kanina. Nagulat kami, akala ko kasama ka niyang bumalik dito pero hindi pala. Nabanggit niya sa akin na nagalit ka daw sa kanya. And gusto na niyang ituloy ang panliligaw niya sayo.” sagot sa akin ni Daddy.

“Eh paano ba naman kasi, pinaniwala nila akong hindi pa magkakilala si Kuya Zach at Kyle,” depensa ko. Natawa naman sa akin si Daddy.

“Ganun ba,” natatawang saad ni Daddy.

“Daddy naman eh, pinagtatawanan mo ako. By the way, paano ka ni