CHAPTER 52: Creep

INAAYOS ni Danica ang ilan niyang gamit nang makarinig ng malalakas na katok sa kanyang pintuan. Kuryosidad na sinilip niya ang peephole para malaman kung sino ang kanyang bisita. Napaatras siya kasabay nang paghawak niya sa kanyang dibdib nang masilip ang anyo ni Brian na tila tutusok sa kanyang kaluluwa mula sa bilog na silipan.

‘Anong ginagawa niya rito?’

Mabuti na lang at pinalitan niya ang code ng kanyang pinto kaya naman hindi ito makakapasok nang basta.

“Danica! I know you’re there!” sigaw nito, kasunod ang malalakas na hampas sa kanyang pintuan.

‘Oh no!’

“You, slut! May karelasyon ka na’ng iba, ha?”

Hindi siya umiimik at hinayaan na isipin nito na wala siya sa silid. Ayaw niyang gumawa ng ingay. Nanginginig ang kanyang kamay na dinampot ang cellphone. Tinawagan niya ang security para ipaalam sa mga ito na huwag nang papasukin sa gusali si Brian.

“Danica!” sigaw ng lalaki muli na halatang galit at may gigil sa tinig.

Paano siya lalabas kung naroon ito sa