Chapter 70.💜

[Hannah pov]

Abot hanggang langit ang ngiti sa labi ni Suzy habang sinusukat ang isang set ng mamahaling alahas na ipinadala pa ni Tyler mula sa isang sikat na Luxury Shop. Tuwang-tuwa ang gaga dahil ayon sa natanggap nitong mensahe ay si Tyler mismo ang pumili ng mga ito.

Binuga ko ang usok ng hinihithit kong sigarilyo.

Mukha lang akong nasa katinuan ngayon subalit malapit na akong magwala anumang oras. Hindi na ako binibigyan ng pera ng mga Direktor na kinakalantari ko. Oo, hindi lang sa isa ako kumakapit kundi sa marami. Hindi kayang ibigay sa akin ng isa ang luho ko kaya naman pinagsasabay ko silang lima. So far ay isa pa lang naman ang kumakalat na kumabit sa akin, ang hindi alam ng marami ay higit pa sa isa ang pinagpuputahan ko.

Kasalanan ito ni Tyler Montemayor!

Palihim kong inirapan si Suzy na tila nababaliw na sa harapan ng salamin. Ang swerte pa rin ng impaktang ito, kahit nahuli na ni Tyler na sinasaktan nito ang anak nito ay nagagawa pa rin nito na supurtahan si Suzy. tsk