Chapter 66.💜

[Maya pov]

Namumugto ang mga mata ko sa kakaiyak. Naghahalo ang saya at pananabik ko dahil makikita ko na si Tyler. Ngayong araw ang balik niya kaya naman kahit wala na akong igaganda ay nag ayos ako para sa kanya.

Pinaghandaan ko talaga ang araw na ito para sa kanya.

Nang makita ko si Tyler ay hindi ko na napigil ang umaapaw na emosyon sa dibdib ko. Tumakbo ako palapit sa kanya at mahigpit siyang niyakap. Alam ko na nagtataka siya sa inaakto ko subalit wala akong pakialam. Tatlong taon ko din siyang nalimutan kaya naman sabik na sabik talaga ako. Kung maaari nga lang ay gusto ko lamang na nakakulong lang sa bisig niya.

‘Miss na miss kita, Tyler’ piping usal ng puso ko habang lumuluha at umiiyak. Buong akala ko ay itutulak niya ako palayo sa kanya, pero niyakap niya ako pabalik. Mas lalo lang tuloy akong naluha sa ginawa niya. Wala pa rin pinagbago ang yakap ni Tyler. Mainit pa rin ito at masarap sa pakiramdam. Sa bisig niya pakiramdam ko ay ligtas ako.

Inilayo niya ako sa kanya hab