Chapter 34.💜

[MAYA POV]

PAGOD na pagod na ako. Gusto ko ng sumuko dahil sa ginagawang pagpapahirap sa akin ni Suzy, pero sa tuwing maiisip ko ang anak ko ay lumalakas ako at pilit na lumalaban kahit pa pakiramdam ko ay bibigay na ako.

Tama, si Suzy ang nagpapahirap sa akin. Tauhan niya ang dumakip sa akin at dinala ako sa lugar na hindi ko alam. Simula ng magising ako ay wala na itong ginawa kundi saktan ako. Sobrang sakit na ng katawan ko at nanghihina na din ako. Sa tuwing sisipain niya ako at susuntukin ay agad kong niyayakap ang tiyan ko para protekhan ito mula sa kanya. Hindi ko hahayaan na maging ang aking anak na nasa aking sinapupunan ay madamay at masaktan. Hangga’t kaya ko ay poprotektahan ko ang anak namin ni Tyler.

‘Tyler, pakiusap ‘iligtas mo kami’ Piping bulong nang puso ko habang tinatanggap ang pananakit sa akin.

"Ang tibay mo din, Maya, no? Hanggang ngayon ay buhay ka pa rin?" Sinabunutan ni Suzy ang buhok kong nanlalagkit na dahil sa dugong natuyo galing sa ulo ko na puro sugat ga