Chapter 143. 💙

(Timothy pov)

Mabilis kong tinapos ang mga trabaho ko sa araw na ‘to dahil gusto ko ng makauwi sa condo. Simula ng may mangyari sa amin ni Karla ay lalong tumindi ang nararamdaman ko sa kanya. Akala ko noong una ay naiintriga lang ako sa kanya dahil masyado siyang misteryoso, pero nang magkasama kami sa iisang bahay ay nalinawan ako.

Mahal ko pala si Karla.

Siguro ay hindi lang matanggap ng sistema ko no’ng una na may nagustuhan akong babae kaya kahit sarili ko ay niloloko ko na. Hindi naman ako ganito sa ibang babae noon. Kapag gusto ko ay kukunin ko, pero pagdating kay Karla ay nasubukan ang pasensya ko at pagpipigil ko. Gusto ko na hindi sumama ang tingin niya sa akin kaya kahit nahihirapan ako ginawa ko ang lahat para pigilan ang sarili ko. Pero hindi ko na nagawa ‘yon dahil sa selos ko. Nang malaman kong magkakilala sila ni Bane ay hindi ko ‘yon nagustuhan. Naninikip ang dibdib ko sa sobrang inis, at galit kaya iniwasan ko si Karla. Pero hindi ko talaga kaya na balewalain siya.

P