Chapter 73

Gagap ni Khevin ang kanang-palad ni Agatha, pagkalipas nang mahabang panahon heto siya haharapin ang mga taong bahagi ng buhay at kahapon niya.

"A-agatha?" Bungad ni inay Rosa, naluluhang niyakap siya ng ina. Mas mahigpit na yakap ang iginanti ni Agatha sa ina.

"Patawarin n'yo ako inay," garalgal ang tinig na saad ni Agatha. Tila pinipiga ang damdamin niya, nalusaw ang tatag niya bilang Mondragon.

"Ako ang patawarin mo," nagpapahid ng luha na bumitiw na mula sa pagkakayakap ang inay ni Agatha, tiningnan sina Khevin at Alexis na nakangiti.

"Maraming salamat sa'yo, Sir Khev. Sa lahat ng naitulong mo sa'min." Maliban sa pagpapaaral kay Alexis ay si Khevin din ang gumastos sa burol at pagpapalibing kay Mang Jose. At lahat ng iyon ay lihim na batid ni Agatha, sinasaksihan mula sa malayo.

"Khevin na lang po," nakangiting sagot ng binata.

"Nay, magiging manugang n'yo na si Kuya Khevin!" Eksayted na balita ni Alexis. Matapos magpropose ni Khevin kay Agatha ay kinausap agad nil