Chapter 26

VILLA AGATHA-RANCHO Monteverde

Nasa pinakadulong bahagi na ng Zambales ang pinakamalawak na hacienda na pag-aari ni Don Sylvestre Mondragon, ang pinakamayamang haciendero sa bayan ng Zambales.

"Matagal na hong wala sa Club Carolina si Rosalinda Buenamente, Senyor Sylvestre. Dalawang dekada mula nang umalis siya sa club ay hindi na siya muling nagpakita pa." Mahabang litanya ng private detective na binayaran ng Don upang ipahanap ang babaeng ibinahay niya dalawampu't limang taon na ang nakalipas.

Humugot ng malalim na hangin si Don Sylvestre, umiikli na ang oras niya at panahon niya sa mundo dahil sa sakit niya ngunit hindi niya pa rin natatagpuan ang kaniyang mag-ina. Si Rosa ay nakilala niya sa mga panahong magulo ang kaniyang isipan. Naghiwalay sila ng kaniyang asawa noon at ito ang naging sandalan niya hanggang sa magkahulugan sila ng loob.

Itinira niya sa isang apartment ang babae, nagpanggap siyang mahirap upang makasama ito at bumagay sa mundong kinabibilangan nito, pansamanta