Chapter 4: The New Plan

GUMALAW ang talukap ng mga mata ni Raven hanggang sa tuluyan niyang buksan. Kakaiba ang kisame na sumalubong sa paningin niya kaya naman kaagad siyang napabalikwas ng bangon habang iginagala ang mga mata sa kabuuan ng malawak na silid.

She found herself laying alone in the center of the expansive bed, surrounded by the opulence of the luxurious bedroom. Kahit saan siya tumingin, lahat ng mga bagay na makita niya ay naghuhumiyaw sa karangyaan. The interior design of this room was manly, naaamoy rin niya sa hangin na hinahatid ng air conditioner sa ilong niya ang pamilyar na amoy ng pabango, so she instantly had an idea kung nasaan siya. Naroon siya sa bedroom suite ni Kayden.

Napatingin siya sa glass-wall window at doon ay nakita niya ang madilim nang kalangitan, gabi na. Kumilos siya at umibis sa kama.

Namimigat ang puson niya kaya hinanap niya ang pintuan ng bathroom doon. Maraming pintuan sa silid pero hindi siya nahirapang hanapin kung alin sa mga iyon ang kaniyang hinahanap.

Bumulaga sa paningin niya ang malawak na bathroom, mayroong maluwang na walk-in shower kung saan ay kanugnog ang malaking bathtub na nasa tabi ng malaking glass window na ang nagsisilbing kurtina ay ang mga nakayungyong na green live indoor plant.

Sa countertop sink na naroon ay may mga live indoor plants din na nakahanay na mas nagbigay ng elegant looks sa light themed bathroom na ito.

Pumasok siya at tinungo ang kinaroroonan ng makintab na toilet bowl, ginawa kung ano ang dapat gawin. Matapos niyang ayusin ang sarili ay lumabas na siya upang puntahan si Kayne kung saang silid ito naroon.

Bahagya siyang natigilan nang makalabas sa bedroom suite ni Kayden. Napalinga siya sa magkabilang dulo ng hallway. Napaka-artistic ng hallway wall decor at masarap sa mga mata ang liwanag doon.

Napabuntong-hininga siya habang iniisip kung saang silid kaya naroon si Kayne.

Nakakaisang hakbang pa lamang siya palayo sa pintuan ng silid nila ni Kayden nang maagaw ang pansin niya ng bumukas na pintuan sa tapat ng silid kung saan siya galing.

Napahinto siya sa paghakbang at napatingin sa magandang babaeng lumabas doon.

Sino naman kaya ito?

Kagaya niya ay natigilan din ito nang makita siya, ngunit hindi kagaya niya ay hinagod siya nito ng tingin, ang kabuuan niya.

Napalunok siya.

“Raven, right?” tanong nito sa kaniya.

Malayo ang pagitan nila kaya medyo tinaasan nito ang boses upang marinig niya ito.

Tumango lang siya bilang tugon.

Napatango rin ito. “Hi, I'm Athena,” pakilala nito sa sarili habang lumalakad palapit sa kaniya. “Kayden's gorgeous, little sister.” Inilahad nito ang palad sa harap niya.

‘Kapatid ni Kayden?’ tanong niya sa isip.

Hindi niya alam na may kapatid pa pala si Kayden. Bukod kay Athena at sa Lola nito, ano pa kayang hindi niya alam tungkol sa kaniyang asawa?

Napapaisip man ay kaagad siyang ngumiti at tinanggap ang palad ni Athena.

“You are prettier than I thought, kaya naman pala ganoon na lamang mabaliw sa ’yo ang kapatid ko.” Napapailing ito habang nakangiti at nakatitig sa mukha niya.

Hindi niya alam kung ano ang dapat niyang sabihin matapos marinig ang sinabi nito, kaya naman ngumiti na lamang siya.

Kusang naghiwalay ang mga palad nila.

“All right, magkita na lang tayo sa komedor for dinner.” Itinuro nito ng hinlalaki ang direksyon sa dulo ng hallway kung saan naroon ang malawak at paikot na hagdanan.

Tumango siya. “Sige.”

Napasunod siya ng tingin dito nang tumalikod ito sa kaniya at tinugpa ang korridor patungo sa hagdanan.

Nang mawala ito sa paningin niya ay malalim ang naging buntong-hininga niya. Napapaisip siya. She has been next to her husband in bed for ten years, but Kayden doesn’t even mention things about his family, tapos sinasabi nito na mahal siya nito?

Kilala niya ang ama ni Kayden dahil isa itong business tycoon, pero bukod sa wala naman siya sa linya ng business dahil isa siyang doktor, hindi siya interesado para halukayin ang pagkatao ni Karl Alcaraz noon. Pero kahit siguro mayroon siyang pagkakataon, hindi rin magiging madali na halukayin ang personal na buhay nito sapagkat kahit kilala ito sa mundo ng business ay nananatiling pribado ang personal nitong buhay, kaya nga hindi niya alam na anak pala nito si Kayden.

Marahas siyang napabuntong-hininga bago luminga sa kabilang bahagi ng korridor habang iniisip pa rin niya kung saang silid kaya naroon si Kayne.

Sa pagtingin niya sa kabilang dulo ay nakita niya ang isang unipormadong kasambahay, kalalabas lamang nito sa isa sa mga pintuan na naroon, kahilira ng pintuang nilabasan ni Athena.

Lumakad siya at sinalubong ito.

“Hello po, Ma’am,” magiliw ang ngiting bati nito sa kaniya at hindi pa napigil na mapahagod sa kaniya ng tingin.

Ngumiti lang siya bilang ganti sa pagbati nito.

“Ang ganda mo pala talaga, Ma’am, bagay na bagay ka po sa kagwapuhan ni Sir Kayden. Napakasuwerte n’yo po sa isa’t isa!” Bakas ang kilig at paghanga sa anyo at tinig nito habang hinahagod siya ng tingin.

Sinikap niyang paluwangin ang ngiti kahit pa nga tutol ang kalooban niya sa mga sinabi nito. “Salamat po," mahinang sabi lang niya rito.

“Mabait po iyang si Sir Kayden, Ma’am. Kaya hindi ka po nagkamali na pakasalan siya,” sabi pa nito na nagpasamid sa kaniya.

Tumikhim siya upang palisin ang bikig sa kaniyang lalamunan. “Itatanong ko lang po kung nakita n’yo po ba kung saang kuwarto naroon ang anak ko, si Kayne po,” paglilihis niya sa usapan.

“Ah, opo, roon po.” Itinuro nito ang dulong bahagi ng pasilyo. “Iyon pong nasa kaliwang bahagi po ng pasilyo sa tapat ng master bedroom suite ni Sir Karl, doon po ang silid ni Sir Kayne.”

“Sige po, salamat,” wika niya at kaagad na itong iniwan upang hindi na makapagsalita pa.

Nakangiti itong napasunod sa kaniya ng tanaw habang hinahagod siya ng tingin sa makurba niyang likuran.

Nagpatuloy siya sa mahinhing paglakad hanggang sa sapitin niya ang pintuang itinuro sa kaniya ng kasambahay. Kaagad niyang pinihit ang seradura ng pintuan at marahang itinulak pabukas ang dahon niyon para lamang matigilan.

Sumalubong kaagad sa pandinig niya ang malulutong na halakhak nila Kayne at Kayden, napakasaya ng mga ito.

“Anak talaga kita,” boses iyon ni Kayden sa pagitan ng pagtawa.

Kumilos siya at dahan-dahang sinilip ang mga ito sa loob. At doon sa kama ay nakita niyang magkatabing nakaupo pasandal sa headboard ang dalawa at nakaakbay si Kayden kay Kayne. Nasa harap ng mga ito ang laptop ng bata.

Nakita niya sa mga mata ni Kayne ang tuwa sa mga sandaling iyan, at hindi matatawaran ang tuwang iyon.

Parang gusto niyang manibugho, hindi pa niya narinig tumawa ng ganito ang anak na siya ang kasama.

Sumeryoso ang mga ito pagkaraan.

“Gusto mo bang sa susunod na school year ay rito na mag-aral? So you can experience the joy of studying within the school's walls and not just online. Saka matagal na iyong ini-u-ungot ng Lolo mo,” kapagkuwan ay biglang pangungumbinsi ni Kayden dito.

“Yes, Dad, but what about Mom? Will she be staying alone on the island while I study here? I’m worried about her, she’s sure to be sad when I’m not around,” malungkot lahat kay Kayne nang sabihin iyan.

Ngumiti ng manipis si Kayden at ginulo ang itim at makapal na buhok ni Kayne.

“That’s my good boy! I’m pleased that you will always remember your mom as I have taught you. But, dude, you have nothing to worry about, dahil kapag nag-study ka na rito, Daddy will be there more often.”

Nasapo niya ang dibdib matapos marinig ang sinabi ni Kayden. Hindi, hindi nito dapat na makumbinsi si Kayne na pumayag sa panibago nitong plano. Ayaw niyang masolo siya ni Kayden sa Isla Alcaraz.

Maki-ama si Kayne, at madalas itong tumabi sa kanila sa pagtulog sa gabi kahit malaki na ito kaya naman kapag ganoong pagkakataon ay nakakaligtas siya kay Kayden, sa sexual needs nito.

Sa edad ni Kayden na trenta y otso ay masyado itong magana pagdating sa bagay na iyon.

“But I'll miss you, Daddy,” narinig niyang sabi ng bata.

“I’ll miss you too.” Pinisil ito ni Kayden sa ilong.

Yumakap si Kayne kay Kayden at ginantihan ito ng huli ng yakap.

“Dad, gutom na ako,” kapagkuwan ay sabi ng bata na sinabayan ng pagsapo sa tiyan. “I think it's time to head downstairs for dinner.”

“Ohw!” Sumulyap si Kayden sa wristwatch nito. “It’s bang on seven, I think we’d really go downstairs for dinner,” malambing pa nitong sabi kay Kayne habang nakangiti.

“I love you, Daddy!”

Ngumiti si Kayden sa bata tapos ay kumindat. “Me too, dude. I love you too more than you know!” Hinalikan ito ni Kayden sa ulo.

She smiled thinly and wryly before stepping back and carefully turning the door closed.

A few grains of tears fell in her eyes. Kayden was a good father to Kayne, ayaw niyang aminin sa sarili, but that's the truth. Kaya naman napakalapit ni Kayne sa ama, bagay na ayaw sana niyang mangyari pero hindi niya mapigilan dahil wala siyang mahabang oras na makasama ang anak ng sarilinan.

Malaki ang mga hakbang niya pabalik sa silid nila ni Kayden. Saglit siyang natigilan nang makitang masasalubong niya si Shanna sa hallway. Napalunok siya bago nagpatuloy sa paglakad.

“Raven. . .” boses iyon ni Kayden buhat sa kaniyang likuran.

Napahinto siya sa paglakad bago dahan-dahang pumihit paharap sa kinaroroonan nito.

Kaagad na nagtama ang mga paningin nila. Nakita niya nang bumaba ang tingin ni Kayden at pinasadahan siyang hagurin ng tingin bago lumampas sa kaniyang likuran ang paningin nito.

“Shanna, pakisamahan si Kayne papunta sa komedor," utos nito.

“Yes, Boss,” wika ng inutusan na sinabayan ng paghakbang palapit kay Kayne na noon ay akbay ni Kayden at tahimik na nakamasid sa kanila.

“Mauna ka na sa komedor, anak. Kausapin ko lang sandali si Mommy, hah?” mahinahong wika ni Kayden dito.

Tumango si Kayne. “Yes, Daddy.”

Nang makalayo ang dalawa ay nilapitan siya ni Kayden.

“Kumusta na ang pakiramdam mo?” mahinahong tanong nito sa kaniya saka hinawakan ang kaniyang kamay at tiningnan ang palad niya.

Pasimple niya iyong hinila palayo rito. Ibinaba nito ang tingin sa inilayo niyang kamay bago muling itinaas ang tingin sa mukha niya.

“Ang sabi ng doktor, you were so tired kaya nag-passed out ka earlier.”

Tinitigan ng malalamig niyang mga mata ang artwork na nakasabit sa wall ng hallway upang ignorahin ang sinabi nito.

“Nakita na ni Lola si Kayne…she's looking for you. After nating mag-dinner, I will take you to her para makita at makilala ka na niya.” Hinawakan siya nito sa siko upang igiya patungo sa komedor pero pumiksi siya at tinangkang lumayo rito, subalit hinigpitan nito ang hawak sa kaniya kasabay ang mabilis na pagguhit ng inis sa mukha nito. Patulak siya nitong isinandal paharap sa dingding.

Bahagya pa siyang napaigik nang mapadikdik doon ang dibdib niya at kanang pisngi.

Napaluha siya nang maramdaman ang lalong paghigpit ng hawak nito sa kaniya. Ngunit napasinghap siya at napaawang ang bibig nang walang pakundangan nitong dakutin ang pagkababae niya. Napapikit siya nang pisilin nito iyon. Hindi naman iyon masakit, ngunit hindi niya nagustuhan ang pakiramdam na inihahatid noon sa kaniya.

“Shanna told me what you did earlier, so expect me to charge you with the guilt of your attempt!” nagsasaltik ang mga bagang na anas nito sa puno ng kaniyang tainga.

Napaluha siya nang maalala ang kasalanang ginawa niya nang dumaan sila sa mall kanina para gumamit ng restroom.

“Kayden?” boses iyon ng ama nito na noon ay kalalabas lamang sa pintuan ng master bedroom suite.

Kaagad siyang binitawan ni Kayden at bahagyang lumayo sa kaniya. Nagkatinginan ang mag-ama.

Iminulat niya ang mga mata at tiningnan ang biyenan na nang sandaling iyan ay nakatingin pa rin sa anak. Hinintay niyang komprontahin nito si Kayden sa ginawa sa kaniya, pero nadismaya siya.

“Downstairs for dinner,” bagkus ay sabi nito sa kanila at lumakad, nilampasan sila na para bang wala itong nakita.

Pairap siyang tiningnan ni Kayden. "Sa komedor," wika nito na sinabayan pa ng pagpilig ng ulo bago sumunod sa ama.

Napaluha siya sa sama ng loob habang sinusundan ng tingin ang mga ito.

Bakit pa nga ba siya umaasa na magri-react ang biyenan niya sa nakita? Hindi lingid sa kaalaman nito ang ginawa ni Kayden sa kaniya noon, pero imbes na ituwid nito ang anak ay kinonsente nito ito.

Oras na makatakas siya, titiyakin niya na magkasamang mabubulok sa kulungan ang mga ito.