Chapter 7

ACHILLES felt disappointed when they reach Zaired Restaurant. He liked the feeling of Leah's breast against his back. Libreng tsansing na nga, bitin pa.

Mabilis na bumaba si Leah mula sa pagkakasakay sa motor niya at ngitian siya.

"Salamat sa paghahatid," nakangiting wika nito.

"No problem.”

Magsasalita pa sana si Leah ng pareho silang may narinig na boses ng isang lalaki. The man came out from a Ford car. Halatang may kaya ang lalaki. Pero nasisiguro niyang mas mayaman siya rito.

"Any! Who the hell is this guy!?" Pasinghal na tanong ng lalaki kay Leah habang naglalakad palapit sa kanya. "Siya ba ang ipinalit mo sakin? Wow naman!"

Was this Kyle?

Leah gave him an apologetic look. "Sorry, Achilles.

Umalis ka na."

 Hindi siya nakinig kay Leah. "I'm staying."

"No." Umiling-iling ito na para bang natatakot. "No.

Umalis ka na please. Ayokong madamay ka sa gulo—"

"I'm staying, Leah. That's final," giit niya.

HINDI man aminin ni Leah, nakahinga siya ng maluwang sa isiping naroon si Achilles sa tabi niya habang hinaharap si Kyle. Natigilan siya ng hawakan ni Achilles ang kamay niya. Napatingin siya sa binata.

"Huwag kang manerbiyos. Gago ang makikipag-usap sayo. Dapat gaguhin mo rin," sabi ni Achilles sa kanya.

"Lei!" Nakalapit na si Kyle sa kanila. "Sino ang lalaking 'to, ha?" Maangas na tanong nito habang dinuduro si Achilles. "Ito ba ang pinalit mo sa'kin? Wow naman."

Huminga siya ng malalim saka tinaasan ito ng kilay. "Puwede ba, Kyle. Umalis ka na. Ayokong makita ang pagmumukha mo rito."

Mata-demonyong ngumisi si Kyle. "Hindi naman ako nagpunta rito para sayo e." Dinuro na naman nito si Achilles. "Ang hindi ko lang matanggap ay may ipinalit ka kaagad sa akin." Mataas ang nuong hinarap nito si Achilles na nakaupo lang sa motor nito at walang imik. "Anong habol mo kay Leah? Ang Virginity niya? Save your strength. Hindi ko nga nakuha, e. Matigas ang babaeng yan. Tsaka, may itsura ka naman. Siguradong makakahanap ka ng sexy at hindi baboy na katulad ni Leah. At saka, Leah is so clingy and demanding. Feeling naman niya ang ganda-ganda niya."

Hindi umimik si Achilles pero humigpit ang hawak nito sa kamay niya. Walang emosyon sa mukha nito habang nakikipagtitigan sa mga mata ni Kyle pero alam niyang nairita ito sa sinabi ni 

Kyle.

Parang niyurakang muli ni Kyle ang puso niya ng marinig ang mga sinabi nito tungkol sa kanya. It hurts. It hurts and she was about to cry.

The first one to blink in Kyle and Achilles's staring match was Kyle. Achilles was still staring at Kyle as her scumbag ex-fiancé looked away.

Napailing-iling si Achilles at tumingin sa kanya. "Siya nga pala, Any, hindi naman ako pumunta rito para sayo. Pumunta ako rito para sabihin sayong magbalot-balot na kayo kasi bibilhin ko na kay Mrs. Lopez ang lupang kinatatayuan ng restaurant niyo."

"Ano?" Nagulantang na tanong niya. "No! May kontrata kaming pinermahan!"

Lumingon si Kyle sa kotse nito at parang may pinapalabas mula roon. Kapagkuwan ay lumabas si Mrs. Lopez sa sasakyan nito. Nanginginig ang tuhod niya habang papalapit si Mrs. Lopez. No! Hindi ito puwedeng mangyari! Wala ang mga magulang niya at pinagkatiwala sa kanya ang restaurant. Anong gagawin niya kung totoo nga ang sinabi ni Kyle?! She had to review the contract!

"Please, Mrs. Lopez, tell Any here what we talk about last night," sabi ni Kyle sa babaeng mukhang pera.

Tumingin sa kanya si Mrs. Lopez. "Pasensiya ka na, hija. Malaki ang offer ni Mr. Menzon. Hindi ko matanggihan. He is also opening a restaurant kaya naman makakatulong na naayos niyo na ang gusali—"

"No! We signed a contract, Mrs. Lopez. May usapan kayo ng mga magulang ko! Maayos naman ang renta namin, ah. Palagi naman kaming nagbabayad ng tama." Nanginginig ang kamay niya sa sobrang galit sa babaeng kaharap at kay Kyle. "You can't do this to us. Mrs. Lopez naman e. Hindi kami basta-bastang lilipat kasi maguguluhan ang mga costumer namin. At isa pa, maghahanap pa kami ng bagong lilipatan—"

"Pasensiya ka na talaga, hija, nangangailangan din kasi ako ng pera." May bakas ng lungkot ang boses ni Mrs. Lopez. "Kahit basahin mo ang kontrata, nakalagay doon na for sale naman talaga ang lupa at pinarerentahan ko 'yon hanggang sa wala pang bibili ng lupa at pinermahan 'yon ng ama mo. Alam ito ni Mr. Gonzales. Nagkausap rin kami na siya ang bibili pero hindi pa sapat ang pera niya. Pero nakasaad sa kontrata na may karapatan akong ipagbili ang lupa kung kailan ko gusto. Pasensiya ka na talaga, hija."

Parang nanghihina ang tuhod niya sa mga sinabi ni Mrs. Lopez.

Puno ng poot ang mga mata niya na tumingin kay Kyle. "You! Bakit mo ba 'to ginagawa sakin?! Ano ba ang nagawa ko sayo!" Hinablot niya ang kamay na hawak ni Achilles at pinagbabayo ang dibdib ni Kyle. Tears streamed down from her eyes. " Pagkatapos mo akong lokohin, ito naman ang gagawin mo sakin? Sa pamilya ko? Letse kal P*****a ka!" Napahagulhol siya.

"Walang personalan, Any," natatawang tugon ni Kyle na para bang natutuwa ito na umiiyak siya. "Isa akong businessman at gusto ko namang mag venture ng ibang negosyo maliban sa hotels and resorts na pagaari ko." May pagmamalaki ang boses nito. "Pasensiyahan nalang tayo."

Umiiyak na umatras siya at niyakap ang sarili. Bakit ba nangyayari 'to? Ano ba ang nagawa niyang mali? Ano ba ang problema ng mundo sa kanya at pakiramdam niya ay aping-api siya? She felt so down, depressed, in pain and angry. Pero wala siyang magawa.

At sa kalagitnaan ng gulong-gulo niyang isip, narinig niya ang boses ni Achilles.

 "Magkano ba ang lupa?" Tanong ni Achilles.

Mabilis siyang napatingin kay Achilles. Madilim ang mukha nito at nakatiim-bagang.

"Achilles," mahina niyang sambit sa pangalan nito.

Achilles got off from his Ducati and walk to her side.

Tinuyo nito ang mga luha niya gamit ang kamay nito.

"Stop crying. I told you, kapag gago ang kausap mo, gaguhin mo rin." Humarap ito kay Mrs. Lopez at Kyle.

 'Magkano ba? I'll double it."

Napanganga si Mrs Lopez pero nakuha pa rin nitong magsalita. "Five million."

Achilles snorted. "Five million? That's cheap. I'll double it." Nanghahamon na tumingin si Achilles kay Kyle. "Kaya mo bang lampasan 'yon?"

Nang-iinsultong tumawa si Kyle. "Huwag kang maniniwala sa kanya Mrs. Lopez. He is just kidding you. Wala siyang ganoon kalaking pera. Ang five million nga mahirap hanapin."

"Sayo siguro, mahirap." Achilles smirked tauntingly at Kyle. "Pero sa akin, ilang araw ko lang 'yan."

Kinuha ni Achilles ang cellphone sa bulsa ng leather jacket nito at may tinawagan.

"Hello? Joanna? Yes, this is Achilles Kostas Williams I want you to speak with someone. She's going to tell you the price of her lot. Wired my money to her bank account." Iniabot nito ang cell phone kay Mrs Lopez. "Speak English. Joanna is my personal banker from Bank of California. Name your price."

Tinanggap naman ni Mrs. Lopez ang cellphone habang nakamaang silang dalawa ni Kyle kay Achilles.

"Yes. This is Mrs. Lopez and it's ten million." Biglang nanlaki ang mga mata ni Mrs. Lopez. "B-Bank Account?" Mabilis nitong sinabi sa kausap ang bank account at ibinalik ang cellphone kay Achilles.

Kapagkuwan ay binuksan naman ni Mrs. Lopez ang cellphone nito mag mobile banking at para tingnan kung totoo nga na pumasok ang sampong milyong bayad ni Achilles sa lupa nito.

Biglang tumili si Mrs. Lopez at niyakap siya ng mahigpit. "Ang suwerte mol" Tili nito. "Yan dapat ang pakasalan mo."

"Mawi-withdraw mo lang ang pera kapag ibinigay mo na ang titolo ng lupa kay Leah," sabi ni Achilles kay Mrs. Lopez na bakas sa mukha ang kasiyahan.

"Ipapadala ko kaagad sayo ang titolo ng lupa," mabilis na sabi sa kanya ni Mrs. Lopez at humarap kay Kyle. "Wala na ang usapan natin." Pagkasabi niyon ay umalis kaagad ito.

Hindi maipinta ang mukha ni Kyle habang masama ang tingin nito kay Achilles.

Nagkibit-balikat si Achilles habang nang-uuyam na nakangisi kay Kyle. "Walang personalan. Pasensiyahan nalang tayo, mas mayaman kasi ako sayo."

Gumuhit ang galit sa mukha ni Kyle. "Sige. Magsama kayong dalawa. Bagay naman kayo!" Nagma-martsang umalis si Kyle.

Alam niyang napahiya ito. Buti nga rito. Gago!

Take that Jyle! ln your face!

Biglang nawala ang lungkot at pangamba na naramdaman niya kani-kanina lang. Nilingon niya si Achilles at nahuli niyang mataman siya nitong tinititigan.

"What?" Tanong niya.

"You do realize that you are now indebted to me." Achilles then grinned. "Ten million, agåpi mou. Ten million."

Umingos siya at tinaasan ito ng kilay. "Puwede ba, Achilles, hindi ko sinabi sayong bilhin mo 'yong lupa. Ikaw ang nagkusang bilhin iyon sa halagang ten million pesos kaya naman wala akong utang sayo at mula ngayon, sayo na kami magbibigay ng upa ng lupa. Kapag natanggap ko 'yong titolo, ibibigay ko 'yon kaagad sayo," nakangising sabi niya.

Nangingiting napailing-iling si Achilles. "Hmm... smart woman." He tilted her head up using his hand and then he pressed his lips on her just for a couple of second.

Nang pakawalan nito ang mga labi niya, mayroon itong masayang ngiti sa mga labi.

"Bakit ba panay ang halik mo sakin?" Namumula ang pisnging tanong niya. Hindi ba nito alam na iba ang epekto no'n sa kaniya?

"Hinahayaan mo naman akong palagi kang halikan kaya namimihasa ako. At saka—" Niyakap siya nito sa beywang at bumulong sa tainga niya. "Para na rin bigyan ng mapag-uusapan ang mga empleyado mo."

Nang lubos na maintindihan ang ibig sabihin ng sinabi nito, mabilis siyang lumingon sa pinto ng Zaired

Restaurant. Naroon nga ang lahat ng empleyado nila at nakangiti habang nakatingin sa kanila ni Achilles.

Namumula ang pisngi niya na tumingin kay Achilles. "Ang sama mo. Siguradong pagtsi-tsismisan nila ako buong linggo."

Mahinang tumawa si Achilles saka pinanggigilan ang pisngi niya. "You're so cute." Pinakawalan siya nito sa pagkakayakap at sumakay muli sa Ducati nito. "Anyway, kapag tinanong ka ng mga empleyado mo tungkol sa ating dalawa, huwag mong kalilimutan 'yong sinabi ni Kyle bago siya galit na umalis."

Kumunot ang nuo niya. "Ano?"

"Na bagay tayong dalawa." Malapad ang ngiting kinindatan siya nito at isinuot ang helmet pagkatapos at pinaharurot ang Ducati palayo.

Sinapo niya ang dibdib kung nasaan ang puso niya saka pinakalma 'yon na mabilis pa rin ang tibok dahil sa sinabi ni Achilles. Hindi niya napigilan ang mapangiti at mapailing-iling. Ang lalaking 'yon talaga.

Humugot siya ng isang malalim na hininga at naglakad papasok sa Zaired Restaurant. Sana naman walang maglakas ng loob na tanungin siya tungkol kay Achilles. Kasi hindi niya alam ang isasagot. Bigla lang namang sumulpot ang Achilles na 'yon sa buhay niya. Ang pinagdarasal lang niya ngayon ay sana hindi ito basta ring mawala na parang isang kabote.