Chapter 54

Chapter 54

Masyadong naging mabilis ang pangyayari. Nakita niya na lang ang sarili na muling nakatali sa loob ng umaandar na bangka. Rinig na rinig niya ang pagsalpok ng alon sa katawan ng bangkang de-motor. Ang nakakairitang tunog ng makina ay halos magpasigaw sa kanya upang patahimikin iyon. 

Madilim ang langit, wala ang buwan na nagtatago sa likod ng makakapal na ulap ng gabing iyon. Ni isang bituin sa kalangitan ay wala siyang maaninag. Nagpalinga-linga siya bago pilit na inaalis ang pagkakatali ng kanyang mga kamay sa poste. 

Gusto niyang sigawan ang mga tauhan ni Mariz na parang mga robot lamang na nakatayo sa paligid ng may kalakihang bangka. Gusto niyang pagsisipain ang mga ito upang mahulog ang mga katawan sa malalim na dagat at huwag ng magpakita pa sa kanya. Subalit, lahat ng iniisip niya ay hin