Chapter 30

Chapter 30

“Ma’am SK,” sinitsitan siya ni Amelia nang makita siya nitong papasok sa kanyang opisina. “Bakit ngayon lang po kayo?”

Pasado alas-dyes na kasi ng umaga at kararating niya lang sa opisina. Hindi maganda ang mood niya nang magising kaninang madaling-araw. Parang nasusuka siya na hindi. Gusto sana niyang humilata na lang sa kama maghapon at huwag ng pumasok sa opisina, kaya lang naisip niya ang mga financial reports na hindi pa niya tapos.

“I felt sick earlier. But I’m okay now.”

Dinama ni Amelia ang kanyang noo’t leeg. Kapagkuwan, ay bumaba na naman ang tingin nito sa kanyang tiyan. “Hindi ka naman mainit.”

Hinawakan niya ang babae sa palapulsuhan at hinila papasok sa kanyang opisina.

Sumilip muna siya sa labas para siguraduhing walang tao bago niya hinarap ang usyuserang sekretarya.

“I’m pregnant, okay?”

Nanlalaki pa rin ang mata ng babae nang makumpirma ang hinala. Akmang titili