'Gorg'

Ilang sandali pa ay unti-unti ring nawala ang pagkaka-ilang na nararamdaman ni Gilliane sa paligid. Naging kumportable din siya sa mga taong naroon at maingay na musika na nagsusumiksik sa tainga niya. 

Nasanay na rin ang kanyang mga tainga sa maingay at maharot na musika na papalit. Mas naaliw na rin siya sa paligid. Kahit na paminsan ay nababangga siya ng kung sino ay balewala na sa kanya iyon. She saw some of the guys and ladies flirt with each other. Nangingiti na lamang siya habang nakatingin sa mga ito habang hindi namamalayan kung ilang shot ng margarita na ang kanyang nainom.

Hindi pa man nauubos ang kanyang inumin na hindi niya maalala kung pang-ilang order na ay may ilang lalaki na rin ang lumapit sa kanya upang makipagkilala. 

May ilan pa na nag-offer ng libreng inumin, o niyayaya siyang sumayaw pero tinanggihan naman niya. Nakailang lapit din sa kanya ang waiter para mag-abot ng piraso ng papel na may mga nakasulat na numero pero hin