chapter 4

"Kayo naman kasi, eh! Sugod nang sugod ayan tuloy!" paninisi ni Aireen sa mga pinsan namin.

Tapos na kaming nasermonan at heto nga sisihan na iyong kasunod.

"Anong kami lang? Hoy, nakita ko ikaw iyong unang dumamba!" Turo ni Niña kay Aireen.

"Oy hindi naman ako ang nambali ng braso ng mga mannequin na iyon 'no!" angal naman agad nito.

"Ako ba pinariringgan ni'yo?" singit ni Clair. "Buti nga sa kanila iyon! 'Di ba Vans?! Oy Vans, bakit ka umiiyak?" maang na tanong ni Clair kay Vanessa.

"May masakit ba sa'yo?" nag-alala kong tanong at lumapit pa rito.

Bigla naman itong ngumawa kaya sabay-sabay na ring napalapit iyong tatlo habang nag-alalang sinuri ito.

" P*****a, Clair... tumawag ka ng ambulance!" tarantang utos ni Niña.

"Mas malapit dito ang school clinic, may naka-duty na doctor doon!" sabat naman ni Aireen.

"Vans, ano bang naramdaman mo? May masakit ba sa'yo?"malumanay kong tanong. 

Ano bang problema ng babaeng ito? Lagot kami kay tita Andrea 'pag may mangyari sa unica hija nito.

"Look at my nails! They got broken!"  naluluha nitong sumbong sabay pakita ng mahahaba nitong kuko na hindi na magkakapantay dahil iyong iba ay naputol. Dahil siguro iyon sa pakikisali nito sa kaguluhan kanina.

" Ay letse! Purenarya ang tawagan mo Clair!" yamot na utos ni Niña.

"Bakit? 'Di pa naman patay iyong mga  kuko niya ah... broken pa nga lang 'di ba? Broken not dead duh!"  umiikot ang matang sagot ni Clair.

"Sinong maysabi sa'yong kuko iyong ipapasok ko sa purenarya?"

" Bakit? Sino bang ipapasok mo?" inosenteng tanong ni Clair.

"Itong pinsan mong maluwag ang turnilyo dahil papatayin ko na yan,"  singhal ni Niña sabay abot kay Vanessa pero agad naman itong napigilan ni Aireen.

Buti naman, akala ko'y magkakagulo na naman ulit.

"Kuko lang iniiyakan?"  naiinis pa rin na sabi ni Niña.

"Kung gagawa ka ng krimen, 'wag dito kung saan maraming witnesses," seryosong payo ni Aireen. "At paano ko ipapaliwanag sa korte na wala akong alam kung maraming nakakakita na maaaring makapagpatunay ng presensya  ko sa crime scene?" nangangaral nitong dagdag.

Napa-face palm na lang ako dah baliw talaga ang mga pinsan ko!

Habang nag-babangayan pa sila at nagpapaliwanag si Aireen kung paano gumawa ng krimen na hindi ka mahuhuli ay naiiling na lang ako na umalis.

Bahala na sila riyan basta wala ako sa crime scene may alibi na ako. Nahawa na ako sa kabaliwan ni Aireen!

Kailangan ko pang tawagan si Ninong P para makausap ko si VP. 

Pagkalabas ko ng school ay napakunot-noo ako nang apat na itim na Mercedes bench ang nakahilira sa kalsada. Hindi na ako nagulat nang mula sa isa mga ito ay lumabas ang kuya Onyx ko.

"My jewel!" nakangiti nitong bati sa'kin sabay yakap sa'kin nang mahigpit.

"Akala ko ba nasa Taiwan ka?"  taka kong tanong sabay pasok sa loob ng sasakyang binabaan nito.

Tulad ng inasahan ay convoy ang apat na sasakyan. Nasa gitna ang sinakyan namin kasama ang head bodyguard ni kuya na siyang nagmamaneho.

"I just arrived at nagulat agad ako dahil unang bumati sa'kin ang balita about the VP's granddaughter na kung saan ay sangkot ka at ang trouble four,"  naiiling nitong sabi.

Trouble four ang tawag ni Kuya sa apat naming pinsang iyon. Masyado daw kasing mahilig sa trouble ang mga ito.

"Ang bilis naman ng balita. Kakausapin ko pa nga si Ninong P para matulungan ako kay VP."

"No need to do that. Inayos na ni Diamond ang atraso NINYO kay VP," pinagdiinan pa talaga nito ang ninyo ibig sabihin ay umabot na rin sa mga parents ng mga pinsan ko ang gulo.

Ang pinakamasabon nito ay si Aireen dahil nga masyadong mahigpit about sa reputations at iba pang kaek-ekan ang mama nito. Iyon nga lang no keber dito ang pinsan kong iyon kaya tiyak no effect pa rin dito ang galit ni Tita Nissa.  Tiyak na mauubos ang opensa ni Tita sa dami ng depensa ni Aireen.

Si Niña naman ay tiyak isang buwan itong grounded.

Si Clair ay siguradong hindi makakatanggi sa mga modelling projects na si Tita Rhina mismo ang mag-aaprove bilang kaparusahan ng anak.

Siguro sa apat ay tanging si Vanessa ang pinakamaswerte dahil tulad nang dati ay kukunsentihin lang ito ni Tita. 

Pati Daddy nito ay tiyak isa rin sa mangungunsinti kasi para sa kanila walang magagawang mali ang nag-iisa nilang anak! Pambihira! 'Di nila alam half-tao-half-impakta ang babaeng iyon.

" Alam ba ni Papa?" mahina kong tanong kay Kuya.

"Sa tingin mo ba ay may bagay na nakakalagpas sa radar ni Papa?"seryosong balik- tanong ni Kuya Onyx.

Sa dalawang kuya ko , si Kuya Onyx ang pinakamaloko pero 'pag si Papa ang usapan ay bigla itong sumeseryoso.

" Ang pangit mo, kuya!" nakangiti kong sabi sabay pingot sa ilong nito.

Muli naman itong ngumiti at kiniliti ako sa gilid. Maya-maya lang ay napuno ng tawanan ang loob ng sasakyan.

Ang saya sana kung ganito palagi, iyon nga lang... miminsan lang ito kaya dapat sulitin.

Ang pogi talaga ng kapatid ko lalo na tuwing tumatawa ito at labas ang dalawang dimples nito. Pakakainin nito ng alikabok si Coco Martin kung papogian lang ang labanan.

"I love you, Kuya. Mahal ko kayo ni Kuya Diamond,"  malambing kong sabi dito.

Ngumiti naman ito at akmang magsasalita ng biglang may narinig kaming pagsabog at sunud-sunod na putok!

"Damn shit!" malakas na mura   ni Kuya Onyx nang iyong sinasakyan na  namin ang pinauulanan ng bala buti na lang at bullet proof ito. Iyong sumabog naman ay ang sasakyan sa unahan namin.

Alerto kong binuksan ang maliit na compartment sa ilalim ng inuupuan ko at kinuha ang isang baril doon kasama ang ilang mga bala.

"Secure the jewels!"  paulit-ulit na sabi ng head bodyguard ni Kuya sa earpiece nito habang may hawak na rin itong baril.

Biglang huminto sa kasukalan ang sinakyan namin dahil tinamaan ng bala ang gulong. Sabay-sabay ding huminto ang mga nakasunod sa'ming mga tauhan ni Kuya pati na rin ang mga sasakyang tumambang samin. 

" Emerald, sumama ka kay James, umalis na kayo rito,"  tukoy ni Kuya sa head bodyguard nito.

"Noo! Dito lang ako!" giit ko habang nagtatago sa likod ng pintuan ng sasakyan upang 'di matamaan sa palitan ng bala.

" Damn it, Emerald! Huwag matigas ang ulo!" 

"Di kita iiwan!"  pinal kong pahayag at inasinta ang isa sa mga kalaban.

Bang! Sapul!

" See, kailangan mo ako rito. 'Pag nandito ako, para na ring may sniper ka!" mayabang kong sabi.

"Shit! Pag ikaw nagalusan... malilintikan ka sakin!" gigil nitong sabi.

" Yes Sir, yes Sir!" nakangiti kong sabi sabay baril sa kalabang palihim na pumaikot sa pinagtataguan namin.

"Boss, nakatawag na ako ng back-up!" balita ni James.

" Good! Ngayon patayin silang lahat at magtira ng isang buhay!" seryosong pahayag ni Kuya.