Kabanata 67: Cancel

SINISTER'S POV:

--

LUMIPAS ang mga araw at buwan, sapo ang aking malaking tyan habang bumubuga ng hangin at paika-ikang paglalakad, hindi ko alam kung manganganak na ba ako ngunit naramdaman ko na ang panubigan sa akim hita.

"Minerva!?" malakas na sigaw ko ngunit alam kong imposible akong marinig ni Minerva dahil nasa kwarto ako habang si Minerva ay nasa kusina.

"Minerva!?" marahan akong naglakad patungo sa may hagdanan at hindi ko na kaya ang sakit, tuluyang pumutok ang panubigan ko kaya buong lakas kong tinawag si Minerva.

"M-Minerva, manganganak na ako!"

Nagmamadaling lumabas ang mga kasambahay na kasama ko mula sa kusina kasama na si Minerva at nagmadali itong umakyat papunta sa akin.

"Diyos ko, Sinister, hindi kita narinig agad. Kumapit ka sa akin,"

Sinunod ko ang kanyang utos at umakbay ako sa kanya habang marahan kaming bumababa ng hagdanan at si Mang Roman naman ang siyang sumalubong sa akin at binuhat na ako nito nang walang pag-alinlangan palabas ng bahay at isinakay ng kots