Chapter 5. Aso at Pusa

NEO'S POV

Nandito ako sa pool area ngayon at hinihintay ko sila Drake. Bago pa man ako nakapunta dito nakausap ko na si Manang na utusan nya si Shin na magdala ng alak at pulutan oras na makarating na sila dito. Sinabi ko rin kay Manang na samahan ng tatlong piraso ng rosas na kailangan nyang iabot sa akin .

Napapangiti ako habang iniisip ang reaksyon ni Shin sa gagawin ko.

"Maganda yata ang araw mo ha" sita ni Ivan.

"Masaya lang ako at makakapag relax tayo ngayon. Ilang araw na tayong tambak ang trabaho" ani ko at nag inat inat pa.

Umupo naman sila sa bakanteng upuan at nagsimula kaming mag kwentuhan.

Ilang minuto pa ang lumipas natatanaw ko na si Shin na papalapit sa amin na bitbit ang isang tray.

Isang ngiti ang umalpas sa labi ko na hindi nakaligtas sa paningin ng kaibigan ko.

"Ang ganda ni Shin no, kaya hindi na ako magtataka kung ang supladong bilyonarno ay magiging maamo" panunuksong wika ni Drake.

Nakalapit na sa amin ni Shin isa isang binaba ang alak at pulutan .

Dinampot din nya ang tatlong rosas at inabot sa akin nang hindi sya tumitingin.

"Para saan yan?" tanong ko.

"Ewan ko, kainin mo!" suplada nyang sagot.

Natatawa naman ang mga kaibigan ko.

"Mamaya mo na ako ligawan, nakakahiya sa mga kaibigan ko oh" inosente kong sagot.

Napakagat labi na lang si Shin kaya batid kong nanggigigil na sya sa akin.

"Pero sige, tatanggapin ko na para hindi ka na magalit" pabebe kong sagot kaya malakas na nagtawanan ang mga kaibigan ko.

"Ewan ko sayo Janvir! " inis na ani nya at bumalik na sa loob ng bahay.

"Hanep dude , iba ang galawan mo ah" natatawang wika ni Caleb.

"Syempre, mahal nya ako kaya ayan nanliligaw na sya " natawawa ko pang ani.

Masaya kaming nagkwentuhan at uminom ng alak pagkatapos naman ay nagsipagligo na kami sa pool. Dito namin gugugulin ang oras namin sa ngayon.

SHIN'S POV

"Nakakainis!" ani ko at padabog na sinara ang pinto ng kwarto ko.

Bwisit na lalaking yun. Nagmukha pa akong manliligaw nya.

Kaya pala ganoon na lang ang utos ni Manang sa akin para ipalabas na nililigawan ko sya at take note, sa harap pa ng mga kaibigan nya.

Isang katok ang nagpalingon sa akin. Pagbukas ko ng pintuan tumambad sa akin si Manang na may dalang mga tuwalya.

"Shin, anak, Pinapasabi ni sir na dalhin mo daw ito sa kanila" utos ni Manang sa akin.

"Pwede bang kayo na lang Manang?" nakanguso kong wika.

"Pasensya na Shin, may ibang inuutos kasi sa akin si Sir" ani pa nya kaya no choice na ako at kinuha ang mga tuwalya.

Here we go again.

Nakasimangot akong nagpunta sa pool.

Pagkarating ko doon, Nakita ko si Kiara na may dalang tuwalya.

"Meron naman na pala kayong tuwalya bakit pinapunta mo pa ako dito?" asar na turan ko at hinagis sa upuan ang dala kong tuwalya.

"Oh wag ka ng magalit. Yang dala mo ang gagamitin ko" pang-aasar pa ni Janvir.

Tumalikod na ako at hahakbang na sana palayo.

"Teka lang naman, hindi ganyan manligaw. Dapat matyaga ka " ani pa ni Janvir na kinalingon ko.

Nagsisimula na naman ang mga kaibigan nyang magtawanan.

Napatingin ako kay Kiara na matalim na nakatitig sa akin. Lihim akong napangisi sa mga reaksyon na pinapakita nya sa akin. Kaya isang plano ang nabuo sa isipan ko.

"Naiinip na kasi ako kailan mo ba ako balak sagutin? Gusto mo magdate tayo? " wika ko na kinagulat nya.

Hindi nya siguro inexpect na sasakyan ko ang kalokohan nya.

Maging ang mga kaibigan nya ay natigilan sa tinuran ko.

Napatingin akong muli kay Kiara na tila nagliliyab sa galit.

"Kung tatanggihan mo ako ititigil ko na ang panliligaw ko" ani ko pa at tuluyan ko na silang iniwan.

Natatawa na lang ako sa mga sinabi ko. Yun lang naman pala ang paraan para tumahimik ang Janvir na yun.

Pumasok na ako sa loob ng bahay para magluto ng hapunan. Kumakanta kanta pa ako nang maramdaman ko ang isang tao na nakatayo sa likod.

"Ikaw pa talaga ang nanliligaw kay Neo?" mataray na wika ng bruha.

Hindi ko sya pinapansin kaya mas lalo syang nagalit.

Bahala ka sa buhay mo bruha, magalit ka hanggang ma-stroke ka.

"Ang kapal naman ng mukha mo at ang lakas ng loob mo e isa ka lang namang muchacha dito!" galit na sigaw pa ng bruha.

"Kiara?! Bakit mo sinisigawan si Shin?" awat ni Manang.

"Nilalandi nya si Neo, Manang. Ang kapal ng mukha nya. Pwede ba Manang wag mo syang kakampihan! Kaya lumalaki ang ulo ng babaeng yan dahil kinukunsinti mo eh!" panduduro ng bruha.

"Kiara!!" matigas na boses ni Janvir.

Mula sa halimaw naging parang kuting na lang si Kiara ngayon.

"Bakit binabastos mo si Manang?" tanong nya at hinarap si Kiara habang kami ni Manang ay nasa gawing likuran nya.

"Hindi naman si Manang eh kundi yang alaga nya. Nilalandi ka nya" pagpapaawa nya.

"Hindi ako nilalandi ni Shin at isa pa kung ayaw mong mawalan ng trabaho ayusin mo yang ugali mo!!" galit na sigaw ni Janvir.

Sumilip ako ng bahagya mula sa likod ni Janvir at nang magtama ang paningin ni Kiara ay agad ko syang binelatan.

Buti nga sayo!

Kaya sa inis nya ,padabog syang nag walkout.

Humingi naman si Janvir ng dispensa kaya nagtuloy na si Manang sa kanyang ginagawa.

Naiwan na lang kaming dalawa ni Janvir sa kusina.

"Nagugutom na po ba kayo? Saglit na lamang to at maghahain na ako" ani ko sabay harap sa kalan pero pinigilan nya ako ng hawakan ang kamay ko.

Hinawakan nya ang magkabilang balikat ko at nilapit ng bahagya ang mukha nya.

"Pumapayag na ako" ani nya sabay kindat.

"Saan?" taas kilay kong tanong

"na makipagdate sayo" nakangiti nyang wika.

Napasapo tuloy ng kamay ko ang mukha ko.

So ibig sabihin sineryoso nya yung mga sinabi ko?

"Biro lang yun sir. Ano ka ba? Naniwala ka naman " ani ko sabay irap sa kanya.

Tinapos ko ang pagluluto ko at naghain.

Hindi naman sya umaalis at tahimik lang nya akong tinitignan.

"Kain na po. Tatawagin ko lang ang mga kaibigan nyo" wika ko.

"Umuwi na sila" ani nito.

Napatango naman ako at akmang aalis na pero pinigilan nya ulit ako.

"Sabay na tayong kumain. Madami ang niluto mo at isa ko lang naman ang kakain" ani pa niya.

Tinignan ko ang hinain ko at bumuntong hininga.

"Okay sige." tipid kong sagot.

Tahimik lang kaming kumakain ng biglang sumulpot ang mga kaibigan nya.

"Kumakain na kayo hindi man lang kayo nagyayaya?!" sigaw ni Caleb.

"Madadaya kayo ha , kala nyo kayo lang ang nagugutom!" angal na ani ni Ivan.

Dahan dahan kong pinihit ang ulo ko at masamang tinignan si Janvir.

"Ang sabi mo umuwi na sila?" pagtataka ko at nagsisimula na namang uminit ang dugo ko.

"Ah eh, sabi kasi ni Shin gusto nya akong makasabay kumain.Kaya pinagbigyan ko lang" paliwanag nya.

"Aba at ako pa ang may gustong sabay tayong kumain?!" inis na wika ko.

Akala ko tapos na sya sa kalokohan nya hindi pa pala.

"Oo, sabi mo pa nga magtatampo ka pag hindi kita sinabayan. Sabi mo rin na gusto mo akong ma-solo" pagpapanggap pa nito.

Napapanganga na lang ako sa tinuran ng lalaking ito. Ang kapal din naman ng apog ng lalaking to.

Sa inis ko padabog kong binaba ang mga kubyertos sa pinggan ko at tumayo.

"Ayan nagagalit na tuloy sya, kayo kasi eh" paninisi nya sa mga kaibigan nya.

"Pwede ba tumahimik ka Janvir!!" pikon kong sagot.

"Teka, you keep dropping honorifics, ako ang amo mo ah" pang-aasar pa nya.

"Amo mo mukha mo!" mataray kong sagot.

Naririnig ko pa ang halakhak nila kaya halos umuusok na ang ilong ko sa galit.

Ang kapal talaga ng lalaking to.

Pasalamat sya gwapo sya.

Napapangiti na lang ako sa kabila ng mga nangyari.

Gusto ko ang side na to ni Janvir. Nakikita ko ang tunay na saya nya.

Napakaswerte lang ng babaeng mapapangasawa nya.

Alam ko namang inaasar nya lang ako dahil narinig nya ang mga binulong ko sa kanya nung nakaraang gabi.

Mas okay na rin to kaysa lagi na lang mainit ang ulo nya sa akin at saka imposible namang magugustuhan nya ako pero mangangarap na rin ako na sana ako ang babaeng yun.