All Chapters of BLEEDING: Chapter 11

Samantala, patuloy na pinaglalabanan ni Col. Zamora ang kanyang mga alalahanin kahit pilit nagsusumiksik ang isa pang nakaraan... "S-Ser! M-Magpapaalam na po ako sa inyo!" Aligaga ang kanyang katulong na si Didang. Alanganing magsalita. Bitbit nito ang kanyang malaking bag na naglalaman ng lahat niyang mga damit. Panahon iyon bago magkolehiyo si Zaldy. Sinalubong ng namumutlang katulong ang pagpasok sa pinto ng kanyang mag-asawang amo. Malikot ang mga mata, mukhang may kinatatakutan. "B-Bakit? Ano'ng problema? Hindi ba't tinaasan ko nang sahod mo rito? Kumpleto ka pa sa mga benepisyo!" Nabahala ang mga mata ni Didang. Nag-aalalang bumukas ang pinto ng silid ni Zaldy. "K-kahit na po, h-hindi ko na matatagalan ang anak ninyong si Zaldy. P-Para ko na siyang anak. Pero..." Animo'y nagbabara ang lalamunan ni Col. Zamora. Nagsalubong ang mga mata nila ng kanyang asawa. Biglang tumaas ang mga kilay ni Lydia, nandidilat ang mga mata. "Huwag kang mag-iimbento nang kung anu-ano, hah! Tin