All Chapters of CLASH OF TARGETS: Chapter 11

Natapos rin ako sa paglilinis dahil hindi naman iyon gaanong kadumihan dahil palagi naman akong naglilinis dito sa bahay tuwing hindi ako busy at walang gagawin. Maya't maya pa ay natapos na din namin ang paghahanda, ako ang taga handa at si Nanay naman ang tiga luto. "Ayos ba 'nak?" Nagpupunas ng pawis si Nanay habang tinitignan ang itsura ng inayos at hinanda naming mga pagkain sa sala. Madami ngayon ang iniluto ni nanay, at halo-halo ito. Sakto ring dumating na si Tatay, akala ko siya lang no'ng una, pero may mga kasama pala siya. Kaya pala medyo marami-rami ang iniluto ni Nanay. Nakipagtalo pa ako sa kaniya kanina noong nagluluto siya na kesyo, tatlo lang naman kaming kakain dahil masasayang ang pagkain 'pag hindi naubos. 'Yon pala, hindi lang kami ang kakain, may bisita pala. Agad akong bumati nang pumasok sila sa loob. "Magandang hapon po!" Nakangiting bati ko sa limang bisita ni Tatay. Lahat ito ay mga lalaki, at kung titignan m