Lahat ng Kabanata ng A Wild Night With Miss Intruder: Kabanata 21 - Kabanata 30

Napabalikwas ng bangon si Blade, isang napakasamang panaginip ang nagpagising sa kanya. Si Alison daw iniwan siya kasama ang kanyang anak. Pero nakakapagtakang maliit pa ang batang karga nito, natitiyak niyang hindi si Alexa iyon. Napailing na lang siya, marahil sa kakaisip kaya naman pati sa panaginip ay dinadalaw siya ng kaalamang buntis si Alison sa iba. Wala na ito sa tabi niya, marahil ay nasa silid na nito. Alam niyang nasaktan niya ito ng husto dahil sa mga namutawing salita mula sa kanyang labi pero totoo naman ang lahat ng iyon.  Inaamin niyang ayaw niya itong mawala kaya handa siyang magbayad ng malaki, bilang yaya ni Alexa at kaulayaw niya sa kama. Ngunit hindi niya hahayaang tuluyang mahulog sa patibong nito. Bumangon siya sa kama, batid niyang ito ay tulog na kaya hindi siya nito mapapansin kapag sinilip ito sa silid. Palagi naman nitong iniiwang hindi nakalock ang kwarto lalo pa at sanay si Alexa na pumasok doon para maglambing, at syempre siya din. 

"Ala ey anak nahapunan na tayo dito, mabuti pa ay umuwi na tayo ng makapagmeryenda," pukaw ng Itay ni Alison sa kanya. Nakaupo kasi siya noon sa may lilim ng punong mangga. Nakapanguha na sila ng kanyang Itay na kakailanganin nilang lutos sa pagagawa niya ng pabango, sabon, shampoo at lotion. Medyo matagal na siyang di nakauwi kaya naman ang stock niya ay naubos na. Buti nalang nagkaron siya ng pagkakataong umuwi. Kakarating lamang niya kaninang madaling araw pero heto at nag-aya na siyang magtungo sa bukid. Ayaw niya kasing mag-isip muna, gusto niyang kalimutan ang nangyari sa kanila ni Blade. Isa pa iniiwasan din niya ang mga tanong ng kanyang Inay. Hindi pa niya sinasabi dito ang kanyang totoong kalagayan,alam naman niya na hindi ito magagalit sa kanya. Maunawain ang kanyang mga magulang, siguro masasaktan ang mga ito kapag nalamang hindi niya kasama ang ama ng ipinagbubuntis niya. Pero natitiyak niyang tatanggapin siya ng buong-buo ng mga ito. 

" Ala ey sigurado ka gang kaya mong mag-igib sa balon hijo?" tanong ng Inay ni Alison na noo'y nagwawalis ng mga tuyong dahon sa likod ng bahay. Maliligo daw si Alison kaya ipag-iigib niya ito ng tubig. Tumanggi naman si Alison at kuya nalang nito ang pinakisuyuan pero nagpumilit siya dahil na rin nais niyang patunayan ditong kaya niyang pangatawanan ang sinabi niya ditong gagawin ang mga makalumang panliligaw ng mga kabinataan noon. Sumang-ayon naman ito pero medyo kinakabahan siya dahil isang balong malalim pala ang iniigiban ng tubig dito. Akala niya ei gripo, yon pala ei sa sentro pa ng barrio ang may gripo. Isang balon na may tubig ang iniigiban at may tila pinutol lamang na maliit na galoon na kinabitan ng isang lubid. "Opo Tita, kayang-kaya po," nakangiting sagot niya dito. Pero ang totoo hindi niya alam kung papano, sa katunayan kanina pa nga siya butil-butil ang pawis dahil nakailang hulog na siya ng pansalok na galong may

Kinabukasan. Natuloy ang mag-anak na maligo sa dagat, syempre kasama si Blade at Alexa. Tuwang-tuwa ang bata dahil unang beses itong nakakita ng dagat sa personal. Tuwang-tuwa ito habang tila nakikipagpatentero sa mga alon sa may mababaw na bahagi ng dagat. "Ay ano gang balak mo anak, sasama ka na ga sa mag-ama pabalik ng Manila? " tanong ng Inay ni Alison na noo'y tinutulungan niyang maglabas ng mga pagkaing nasa bag. Madaling araw pa lang ei nagluto na ang kanyang Inay pero mag-iihaw din sila may nakamarinade na itong hilaw na karne ng baboy at manok."Opo sana Inay kelangan po kasi ako ni Alexa, hindi po yan papayag na maiwan ako dito," sagot niya dito. "Si Alexa lang ba ang dahilan? Ala ey inlove na talaga ang bunso ko, hindi makatagal na malayo sa mahal niya. Sabagay buntis ka naman na at katulad ng pangako ni Blade sa amin kagabi ay aasikasuhin na niya agad ang kasal ninyo

Bago sumapit ang mismong araw ng kasal, marami pang kakaibang naranasan si Blade sa lugar nina Alison.  Sumubok din siyang magsibak ng kahoy, nagkasugat-sugat pa nga ang kanyang kamay at sa tuwing hapon tumutulong din siyang mag-igib ng tubig. Nawiwili na nga siya mag-igib ng tubig dahil nasisiyahan siyang sumalok ng tubig sa balon, expert na siya sa bagay na iyon. Naransan na rin niyang sumama manlakaya o manghuli ng isda kasama ang Itay ni Alison. First time niya iyon kaya tuwang-tuwa siya ng makahuli ng isang maliit na pugita.  Para pa nga siyang nanalo sa lotto nagsisigaw sa gasangan.  Natatawa na lamang sa kanya ang iba pang mga nanlalakaya na taga doon. Tuwang-tuwang sila dahil kahit batid ng mga itong may kaya siya sa buhay ay sinusubukan niya ang buhay ng mga simpleng tao.  Simple pero walang kapantay ang saya na mapabilang sa mga katulad nila. Dalawang araw pa ang inilagi nila ng dumating ang photographer na kukuha ng prenup photos nila ni