Chapter 48

Pinaglaruan ko ang mga daliri ko habang nakaupo sa gilid ng kama. Katatapos ko lang iayos ang kumot ni Rienver. Kalalapag lang sa kanya ni Garrett, siya na kasi ang nagpatulog dahil naligo ako.

Hinihila na ako ng antok. Pero hindi pa ako  pwedeng matulog dahil basa pa ang buhok ko. May minsan itinataas-taas at winagwag ang buhok ko para sana madaling matuyo. Para makapagpahinga na rin ako ng maaga. May pasok na kasi ako bukas. Naging mabigat ang loob ko nang maalala si Sam. Bukas ay lalapag na sila dito sa Pilipinas, bagay na hindi man lang niya sinabi sa amin ni Sage. Dapat kami muna ang nakaka alam no´n bago ang ibang tao. Pakiramdam ko tuloy parang mas pinagkakatiwalaan pa niya ang ibang tao, kaysa kaming mga matalik niyang kaibigan. Hindi kaya may galit siya sa akin, kaya hindi niya sinabi sa akin na uuwi na siya sa Pilipinas? Ni hindi nga lang niya rin sinabi na may girl friend na pala siya at sa kanila pa sila tutuloy.

Napabuntonghininga na lang ako ng