Chapter 35

Devine

Naging tahimik ang mga nakaraang Linggo na pagtatrabaho ko sa kumpanya ng mga Sevilla. Kahit pa naroon pa rin ang pagdududa ko na baka bumalik rito si Garrett. May mga araw na halos ayaw ko nang pumasok dahil hindi maalis-alis sa isip ko ang pagtawag niya noon sa akin.

Pero sa tuwing iniisip ko iyong sinabi ni Sir Xennon at ni Sam na walang dahilan si Garrett para magpabalik-balik dito ay napapanatag ang loob ko. At saka kung talagang nakilala niya ako di sana kinaumagahan ay bumalik siya agad. Saka alam niyang patay na ako.

Halos mapatalon na ako sa gulat ng biglang sumulpot sa harapan ko si Ma'am Meryl at may hawak siyang kulay puti at kulay yellow na orchids na nakabalot sa kulay pink na fancy paper.

''Oh, Iha may nagpapabigay sa iyo,'' nakangiting saad niya.

''Po? Sino po?'' nalilitong tanong ko. Halos malukot na yata ang noo ko dahil sa pagkabigla. Hindi ko naman inaasahan na may magpapadala sa akin ng mga mamahaling bulaklak at paborito