KABANATA 5- GROSS

When A Meet E

Angelic Tomas

Dahil sa nangyari sa DU academy noong nakaraang linggo ay hindi na muna kami tumanggap ng imbitasyon galing sa ibang pang academy at college festivals. Nanatili ring lihim ang naganap ng gabing iyon. 

Napag-alaman din naming na isa sa obsessed fans ko ang DU student na iyon. Ayon sa report ay maraming x-rated pictures ang natagpuan sa kwarto ng bata at ang nakakalilabot ay mukha ko na ang nasa mga larawan pero halata namang edited lang ang lahat. 

Dahil sa minor age pa ang lalaki ay hindi namin pwede pang makasohan kaya sa halip ay isinailalim na lamang ito sa isang counseling. Malaki pa naman daw ang chance na mabago pa ang behavior ng bata. 

Hindi ko rin maiwasang ma-guilty knowing na ako ang dahilan kung bakit nagkaganon ang batang iyon. Yes, wala akong kasalanan pero nakakasama lang ng loob dahil ganon ang epekto ko sa mental health nito. 

Sa ngayon ay busy kami sa preparation para sa bago naming ilalabas na album. Wala pa namang schedule kung kailan sisimulan ang shoot ng music video. Hindi pa rin naman kami nakapag-audio record. Nasa stage palang kami kung saan in-organize pa namin ang lyrics ng kanta na kami mismo ang nag-compose. 

Tinutulungan na rin kami ng CEO namin na i-plot ang konsepto ng MV ng kanta. Pwede naman sanang huwag na kaming makialam sa MV concept, iyon nga lang ay wala talaga kaming tiwala hangga't hindi namin alam ang plano nila. Conscious kami pagdating sa inilalabas naming kanta. Well, kahit sino namang artist eh. 

"Eionn, pasok!" malakas na saad ni Yejin. Simula rin ng gabing iyon ay feeling ko naging malapit na sa lalaki ang tatlong kugtong kong kasama. 

"Hello, want something to eat?" usisa rin ng lalaki. Para namang mga bata na nagsitayuan ang tatlo at tumatango na lumapit sa lalaki. Nakikita ko lamang sila sa reflection sa salamin. Hindi ako nag-abalang makisali sa kanila kahit pa pagkain ang usapan. 

"We want pizza, last week pa kami nakakain no'n eh," angil ni Moonah na pizza maniac. Konti na lang at magmumukha na itong pizza.

"Okay, bili tayo. How about her?" Naramdaman kong ako ang tinutukoy nito pero nagpatay malisya na lang ako. 

"Let's just buy her one too," sabat ni Solar at nagsitawanan pa sila. 

"Okay, I'll order hawaiian and cheese pizza, uhm... How about drinks?" 

"I want milk tea, cookies 'n cream."

"Lahat kayo?"

"May isang chocolate maniac dito kaya tatlong cookies 'n cream lang at isang chocolate," ani Yejin na alam kong ako ang tinutukoy at pinaparinggan.

"I want mint melon..."

"Ohhh! I wanna try that one too," pamumutol ni Moonah sa linya ni Eionn, napailing na lang ako at ipinukos ang atensyon sa sinusulat ko.

"Me too," sabay na saad ni Solar at Yejin.

"So, 4 mint melon and 1 chocolate?"

"No, gawin mo ng 5. Iinom din naman ang isa diyan kapag andiyan na eh," nang-aasar na asik ni Yejin. Hindi na talaga ako nakatiis at napairap na sabay lingon sa kanila

"Ya! You can ask me, you know. Desisyon din kayo 'no?" asik ko rin. Halata namang pigil tawa sila.

"Ya! Ililibre nga lang tayo ni Eionn eh, galit ka pa diyan?"

"Meron naman akong pera, marami akong pera," ani sabay irap at balik ulit sa pagsusulat. Tanging tawanan lang ng tatlo ang narinig ko. 

Nang natapos na ako sa pagsusulat ng lyrics ay ipinasa ko na agad iyon sa song writer namin. Ito kasi ang nagpa-final organize ng lyrics. Pinagsasama-sama niya ang ideya namin nina Solar at Yejin samantalang solo lang talaga na ginagawa ni Moonah ang rap part niya. Pinapa-aprubahan niya lang ito sa CEO namin. 

Ilang minuto ring nawala si Eionn at pagbalik nito ay dala na nito ang pizza at teas. Dumulog din sila sa mesa na kinaroroonan ko. 

"Let's eat! Baka huling kain na lang natin ito since magiging dieters na naman us para sa promotion ng album natin," may halong maktol na saad ni Yejin. 

"Korak ka diyan."

"Kailan ang release ng album ninyo?"  usisa ni Eionn.

"There's no exact date yet but probably 3 to 4 months from now."

"Oh, 6 months from now din ang estimated release date ng album ko."

"Really? Buti na lang hindi tayo nagkasabay," komento ni Moonah.

"Kung magsabay man tayo, malamang may isang magbaback-out muna," sabat ko.

"Who?" 

"Ikaw, hindi naman pwedeng kami," mataray kong asik. Nakanganga lang naman ang tatlo.

"Ya, huwag kang magsungit diyan. Nilibre niya tayo," bulong ni Solar na narinig naman ng lahat. 

"Nililibre ko rin naman kayo ah?" sumbat ko bagay na ikinatawa nila.

"Nagseselos ka ba kay Eionn ha? Don't worry, ikaw pa rin ang the best leader in the world, Ate Angelic in and out!" 

Sa halip na makipag-asaran sa kanila ay mas pinili ko na lang na manahimik. Hindi ako komportableng makipagkulitan lalo pa at may kasama kaming hindi naman talaga namin ka-close.

"Since isang company lang naman tayo, ibig sabihin ba ay may chance talagang magkaroon tayo ng collaboration?" bigla ay bukas sa usapan ni Yejin. Gusto ko itong dagukan para matahimik. Sa dami ba naman ng pwedeng  gawing topic ay iyon pa talaga.

"Why not? Okay lang naman sa akin kung mag-collab tayo eh," kaswal na saad ni Eionn. Gusto kong mapataas-kilay pero pinigilan ko lang.

"Pwede ka bang mag-appear sa music video namin?" usisa ni Moonah. Hindi ko naitago ang pagkagulat sa sistema ko. 

"Ya! What are you talking about? Mag-appear what?" angil ko. Kung makapagsabi kasi ang babaita ay para bang napakadaling bagay lamang iyon.

"Kidding sister, ito naman. Ang seryoso mo talaga. Kumain ka na nga lang diyan," bawi nito na siyang nagpagaan naman ng kalooban ko. 

Kung mag-appear lang din naman ito sa MV ng song namin eh mas mabuting hindi na lang i-release iyon. Kami pa ang magmumukhang user eh. 

Alam na alam ko na ang takbo ng utak ng mga tao ngayon. Imposibleng walang mag-isip na ginamit agad namin ang Eionn na ito para mas maging sikat pa kami.

Psss. Mga utak ng mga taong hindi masaya kung walang nahuhusgahan.

Habang kumakain ay panay ang kwentuhan ng tatlo. Panaka-naka rin namang nakikisali si Eionn sa kanila. Ako naman ay sadyang walang gana sa lahat ng bagay sa araw na ito. Marahil ay dahil sa pagod lamang ito.

"Anyway, salamat sa libre," saad ko sabay tayo. Lumabas ako ng practise room at dumiretso ng CR. 

Naghugas lang ako kamay at inayos ang buhok kong magulo pa kaysa sa mundo at naglakad na rin pagbalik ng practise room. Nagkasalubong pa kami ni Eionn, papasok ako at siya ay palabas din.

"Magpe-perfrom ba kayo ulit sa NBC studio?"  usisa nito sa akin. Buong akala ko nga ay lalagpasan lang ako nito kagaya ng plano kong lagpasan lang din ito.

"Yeah, ang sabi ay baka magiging regular performers na kami ro'n. Hindi ko alam kung bakit naging mabait bigla sila sa amin. Dati eh mukhang allergic sila sa presensiya namin eh," may halong himutok kong saad. Narinig ko ang pasimple nitong pagsinghap.

"Sila o kayo?"

"Kami? Sino ba namang baliw na ayaw magperform sa ganong kalaking stage ha?" may halong irita kong asik. Para kasing hindi ito naniniwala sa akin eh.

"Kung 'yon ang nararamdaman mo eh baka may dahilan din silang maging allergic sa inyo?" patutsada nito sabay alis. Nanliliit ang mga mata ko habang sinusundan ko ito ng tingin.

Yabang mo talagang Santino ka, madapa ka sana!

Double-faced talaga ang isang iyon. Napakabait kapag nandiyan ang mga kasamahan ko pero kapag kami lang eh lumalabas ang maitim na budhi. 

Santito nga talaga.

"Ano na namang nangyari sayo sister Angelic at ganyan na naman ang mukha mo?" bungad na usisa sa akin ni Solar. Nagkibit-balikat lang ako sabay sumalampak ng upo.

"Naku 'te, huwag mong seryosohin ang mga bagay na hindi naman dapat siniseryoso eh. Don't worry about Eionn, tingin ko ay hindi naman siya kalaban," lintanya rin ni Yejin. Ramdam ko ang pagkawala ng emosyon sa aking mukha. Halata ring nahalata nila iyon kaya pareho silang nagtikoman ng bibig.

"Nilibre lang kayo eh nagtitiwala agad kayo? Minsan ay mayroong  itim sa puting nakikita mo. Nabubulag ka lamang sa puting parte kaya hindi mo napapansin ang itim na nakakubli," makahulugang saad ko. Ayaw kong magtalo pa kami dahil lang sa lalaking iyon.

"Right. Huwag kang mag-alala mareng Angelic. Hindi naman kami nakikipagkaibigan kay Eionn eh. Kinikilatis lang namin siya at inaalam kung hanggang kailan niya tayo kayang pakisamahan."

Sa sinabing iyon ni Solar ay tila may nabunot na tinik sa aking dibdib. Akala ko ay nakakalimutan na nila ang suspetsa namin sa lalaking iyon.

"He's great in acting, I guess. But still, I can feel that there's something wrong in his action."  Napatingin naman ako kay Moonah.

"Like what?" usisa ko. Nagbabakasakaling iisa lang kami ng napapansin at iniisip.

"Like... May kakaiba sa titig niya. Lalo na sayo, Angelic. Para bang kinikilatis lang din niya tayo at pilit na binabasa ang bawat galaw mo bilang leader namin."

Napatango-tango ako. Iba ang napapansin ko kay Eionn pero hindi ko pa iyon pwedeng sabihin sa kanila hangga't hindi ako sigurado. Ayaw kong bandang huli ay magkamali lang ako ng akala at baka magdulot pa iyon ng komplikasyon.

"Feeling ko nasa room tayo kung saan napapaligiran ng puzzle pieces. Simula nang mag-join si ES dito ay para bang nag-iba na rin ang vibes at awra nating QQ," nagmamaktol na saad ni Solar. 

Pasimple akong napabuntong-hininga sabay iling. Mukhang isang sumpa talaga para sa amin ang makasama sa isang workplace si Santino eh at obvious naman ang rason. Hindi kami komportable sa presensiya nito at natatakot kami na baka tama ang hinala namin. Pero sa ngayon ay hindi pwedeng manaig ang takot namin. Walang duwag na nakaka-survive sa industriyang ito.

"Anyway, meron pala akong kukuning something kay Windy. Samahan niyo muna ako Solar and Yejin," saad ni Moonah. Ang tinutukoy nitong Windy ay ang isa sa soloists sa company namin at close din sa amin.

Konting tulog na lang din at aalis na si Windy dito at pare-pareho lang ang dahilan namin. Mas nauna siya rito sa amin kaya mas maaga rin siyang makakaalis.

"Alright, how about you Angelic?" 

"Dito lang ako, medyo masakit ang ulo ko eh," sagot ko naman kay Solar. Hindi naman nila ako pinilit at sabay-sabay na lang na umalis ng PR. 

Naiwan akong mag-isa. Balak ko sanang umidlip kaso bago ko pa man iyon nagawa ay may grupo ng kababaihan na pumasok ng PR. 

Nagtama ang paningin namin ng babaeng siyang nangunguna sa pagpasok. May katangkaran ang mga ito at hindi maipagkakailang magaganda. Taglay nila ang sinasabing innocence vibes. Bahagya silang natigilan. Marahil ay kinikilala kung sino ako.

Nagkatinginan pa sila sa isa't-isa. Tila ba nag-uusap gamit ang mga mata. Mas lalo tuloy akong na curious kung sino-sino sila. 

"U-hm, hello po Ate Angelic. Hindi po namin alam na nandito pa rin po kayo," sambit ng babae. May apat itong kasamahan pa.

"Yes? Anong gagawin niyo rito sa PR?" may halong pagtataka kong tanong. Hindi pamilyar sa akin ang mga mukha nila pero masasabi kong tunay na magaganda sila. 

"Magre-rehearse din po sana kami."

"Excuse me? Rehearse? Uhm, here?" intrega kong usisa. Sabay-sabay silang napatango. Nakaramdam ako ng kakaiba. Parang hindi tama. 

"Pero babalik na lang po kami, tara na." Pagsabi niyon ng babae ay sabay-sabay din silang nagsilabasan. Naiwan akong bahagyang nakanganga. What was that? What's going on?

Napakurap-kurap ako nang si Eionn na naman ang pumasok. Nagtama ang paningin namin.

"Ang alam ko ay mga bagong trainee dito ang mga 'yon at rinig ko rin ay sila ang susunod sa yapak ninyong QQ," direktang saad nito sa akin. Bigla na lang akong nakaramdam ng kalabog mula sa kalooban ko.

"Susunod sa yapak namin?"

"Hindi pa rin ba malinaw sayo kung sino-sino ang totoong kakompetensiya ninyo rito?" Hindi ko alam kung kaswal ba iyon o may halong pang-iinsulto. 

Napatayo ako ng wala sa oras. Limang babae sa isang grupo? Susunod sa yapak ng QQ? 

Sounds great but... Something feels not good also. Balak ba talaga kaming pabagsakin ng kompanyang bumuo sa amin?  

Gross!