KABANATA 1- COMPETITORS

WHEN A MEET E

Angelic Tomas

As singer from SKArtists Company, nakaugalian ko ng pumunta ng studio araw-araw para mag-rehearse. 

Mula nang makilala ako bilang main vocalist ng  QuadroQueens ay halos naging bahay ko na lang din ang SKA practice room kasama ang tatlo kong kasamahan sa grupo na sina Yejin, Solar at Moonah.

Masaya naman ako sa buhay mang-aawit ko pero siyempre may panahon talagang napapagod at nagdadrama rin ako sa buhay.  

Well, life is unpredictable. Hindi natin masasabi kung kailan tayo magiging masaya o kailan tayo malulungkot. Kagaya na lang ngayon, mukhang meron na namang taong mabigat ang kalooban dahil sa pag-ibig. 

Damn love, psss.

"Kung broken ka, wala akong pakialam," bungad na saad ko kay Yejin, ang second vocalist ng QQ. Nakabusangot na naman kasi ito habang titig na titig sa sarili niyang reflection sa salamin. 

Hindi ko naman alam talaga kung anong eksaktong iniisip niya pero hula ko ay nag-away na naman sila ng kugtong niyang boyfriend na si Henry.

Actually, para sa akin ay hindi naman talaga sila bagay eh. Hindi ko rin gusto ang konsepto ng secret relationship, wala talagang patutunguhan ang ganoon. 

"Ang sama mo naman Angelic, my friend. Minsan, hinihiling ko na lang na sana dumating na rin ang taong magiging dahilan ng pagiging tanga mo," asik nito habang nakapangalumbaba pa. Tila ba pasan talaga nito ang mundo. 

"Never akong magiging tanga sa isang tao, Yejin." Sinabi ko iyon kahit naman alam kung posible talaga akong maging tanga. Walang taong perpekto at walang taong hindi nagiging tanga kapag pag-ibig na ang pinag-uusapan. 

"Asus! Nasasabi mo lang 'yan kasi hindi mo pa nararanasang magmahal. Baka kainin mo rin 'yang sinabi mo," kontra naman nito sa akin. Nagkibit-balikat na lamang ako.

No boyfriend since birth ako. Iyon ang alam ng lahat. Every time na magkakaroon ako ng interview ay hindi maiwasang maitanong kung nagkaroon na raw ba ako ng boyfriend at dalawa lang ang palagi kong sagot. Wala pa. Hindi pa.

"Good morning gals!" matinis na bati sa amin ng kakarating lang na si Solar, ang third born sa grupo at main dancer.

Nabuo ang grupo namin dahil sa sarili naming kagustuhan. Pare-pareho kasi kaming adik sa Kpop group kaya doon namin nakuha ang konsepto ng QuadroQueens group.

"May chika ako sa inyo," satsat na naman ni Solar sabay upo sa tabi ko. Wala pa si Moonah, as usual ay palagi talagang late iyon. Hinayaan na lang namin since in born na magaling na rapper namin ang isang iyon.

"Spill the tea," sabay naming saad ni Yejin. 

"Alam niyo na bang lilipat ng company si Eionn Santino?"

Napakunot-noo naman ako. Ang tinutukoy nito ay ang isa sa pinakasikat na male singers ng bansa. Pop King kung hindi ako nagkakamali. Nakikita lamang namin ito mula sa malayo tuwing may music award show.

"Weh? Gaano ka naman kasigurado na legit ang balitang iyan? You know naman na isang mayamang agency ang humahawak sa kanya diba?" puno ng pagdududang saad ni Yejin. Sang-ayon naman ako sa sinabi nito. 

Ang alam ko ay hawak ng StarsWay Company si Eionn Santino at halos lahat ng singers ay gustong mapunta sa company na iyon, kahit na ako.

Naalala ko pa ngang nag-audition ako ng isang beses noon eh pero sa kasamaang palad ay hindi ako natanggap. Hindi na rin ako umulit since nakapasa rin naman ako rito sa SKA company. 

"Is he crazy? Bakit naman aalis siya sa SWC? Maraming nagkakandarapa na mapunta sa company na iyon 'no?" komento ko naman. 

"Ano ka ba naman girl? Hindi naman porke't mayaman at kilalang company ay wala ng chance na lumipat ang isang artist. Malay mo naman, hindi rin maganda ang trato ng agency sa mga artist nila, diba?" 

Napaisip naman ako sa sinabi iyon ni Solar. Pero so far ay wala naman talaga akong naririnig na masamang balita tungkol sa SWC. May isa akong naka-collab last year from SWC pero mukhang ayos naman ang kalagayan ng artist na iyon. 

"Saan naman daw lilipat?" tanong ni Yejin. 

"Good question. Alam kong magugulat talaga kayo kung saan. Lalo ka na Angelic."

"Why?" nagtataka kong tanong. Sumeryoso naman ang mukha nito kaya nagkatinginan kami ni Yejin. 

"No way," usal ni Yejin habang nakatingin na kay Solar. Mukhang nagkakaintindihan agad sila sa pamamagitan ng titigan lang. Mas lalo akong naging curious.

"Lilipat daw si ES dito sa SKA." Napakurap-kurap pa muna ako habang ipinoproseso sa aking utak ang sinabi ni Solar. 

"What?" may kalakasan kong usal. "Are you kidding me?" dagdag kong lintanya habang natatawa pa. 

Hindi naman kalakihan ang SKA at sa totoo lang din, mabibilang lang sa daliri ang mga singer at artista na sikat sa company namin. Mabuti na nga lang at kabilang kaming apat nina Yejin, Solar at Moonah sa mga SKA artist na sikat eh. 

Well, nakilala lang din naman ang pangalan at talento namin dahil sa sariling pagsisikap, wala namang masyadong naitulong ang company namin sa fame na tinatamasa namin ngayon. 

And to be honest, minsan ay nagiging secret whistle blower din kami ng SKA. Iyong mga aspiring singer na kilala namin ay pinagsasabihan namin na sa ibang company na lang mag-audition at huwag sa company na kinabibilangan namin ngayon. 

Hinihintay na nga lang namin na matapos ang kontrato namin eh. Tatlong taon pa kaso bago kami makakalaya rito.

"Totoo nga, ang sabi ng manager ko ay baka nga raw maligaw dito si Eionn ngayon eh."

"What a twist. That guy is quite stupid," direkta kong saad sabay iling. Natawa naman ang dalawa.

"Wala ba talagang filter 'yang bunganga mo?" puna ni Solar. 

"Bakit? Totoo naman ako. Sabihin niyo sa aking hindi kayo agree."

"Well, I couldn't agree more," sabay nilang saad at sabay-sabay din kaming nagtawanan.

Kung kami nga ay gusto na ngang makawala sa company na ito tapos malalaman pa namin ang ganong balita? 

Wow! That Santino is really stupid.

Maya-maya ay dumating na rin si Moonah at katulad ni Solar ay may ganong balita ring dala. Baka nga legit talagang lilipat dito si Eionn. 

So, it means... Posibleng maka-collab namin ang lalaking iyon? Is it a good or bad idea?

"Tama na ang chismisan, mag-rehearse na tayo," suhestiyon ko na lang. Ako ang leader since ako ang mas matanda sa aming apat. 

Mahigit isang oras din ang naging rehearsal namin bago kami nagpahinga. 

"May mga bagong trainees pala tayo 'no?" saad ni Moonah. Pare-pareho kaming napatango.

"Ang rinig ko ay nagbabalak na naman sila na bumuo rin ng isang grupo," bigay-alam ni Yejin. Napabuga na lang ako ng hangin.

"It means, sa kanila na naman mababaling ang atensiyon ng company?" naiiling na saad ni Solar. 

Kung may rason man kami kung bakit gusto na naming umalis dito ay iyon ang pagkakaroon ng bias treatment dito. Nitong mga nakaraan lang ay hindi na namin mabilang kung ilang beses na bang may mga new comer artist na sinusubukang gamitin ng company para higitan o baka nga gusto pa kaming pabagsakin pero hindi nila magawa-gawa dahil matibay na ang pundasyon naming QQ. 

Marahil ay nararamdaman nilang may balak kaming kumawala kaya sila na mismo ang gumagawa ng paraan para masira kami pero ayaw naming makawala sa maruming paraan. May reputasyon pa rin kaming iniingatan. 

Honesty, kung ako lang ay hindi ko kakayaning magtatagal dito, pasalamat na lang talaga kami dahil apat kami na magkakasamang isalba ang career namin bilang isang grupo. Idagdag pa ang proteksyon ng mga manager at staff namin na alam naming loyal kapag QQ na ang usapan. Sila rin kasi ang nakasama namin from the very beginning of this journey of ours.

Singing industry is no joke. Hindi maiwasan ang ganitong klase ng sitwasyon. Kaya hanga talaga ako roon sa mga soloist na nakakayang isalba ang sarili sa mga kontrobersya na nasasangkutan nila. 

"How about Eionn? Sa tingin niyo ba siya na ang magiging dahilan ng pagkatalsik natin dito? " usisa ko. Hindi na sila nagulat pa sa tanong ko, ibig sabihin ay naisip na rin nila iyon bago ko pa naitanong iyon.

"Alam nating gusto nating makawala rito pero hindi sa paraang gano'n, right?" Napatango-tango kami sa sinabing iyon ni Yejin. 

"Ayokong umalis dito dahil sa rasong natalo tayo," himutok ni Moonah.

"So, what's the plan this time, Angelic?" seryosong usisa ni Solar sa akin.

Bilang leader nila ay nasa akin palagi ang pinal na desisyon. Hindi naman wala silang karapatang magdesisyon, mas matimbang lang para sa kanila ang desisyon ko. Sa ganong paraan din ay nararamdaman ko ang respito nila sa akin.

"I don't know. Competitive tayo pero hindi sa point na tayo na 'yong nakakasakit. I have this weird feeling of Eionn joining our company. It's quite questionable and suspicious. "

"Exactly," sang-ayon nila.

"Well, let's see. For now, we have to calm down and don't jump into a conclusion," suhestiyon ni Moonah na sinang-ayonan na lang din namin. 

Sa halip na mag-over think ay nagpractise na lang ulit kami hanggang sa mapagod kami. Kasabay na ang kulitan at ingay namin na pumapailanlang sa practise room. Kahit naman may mga deep concern kami ay masiyahing tao pa rin kami lalo pa kapag kami-kami lang ang magkakasama.

"Babies, hello!" bati sa amin ng manager ni Solar na si Mama Cynthia. Kakarating lang nito kasama ang manager naming tatlo. Madalas din naman silang magkakasama dahil sa amin eh. 

"Hello mothers!" bati rin namin at niyakap sila isa-isa na para bang hindi naman kami nagkikita araw-araw.

"Ready na ba kayo para sa performance niyo mamaya?" usisa ni 'ma Alice, ang manager ni Moonah.  

"Yes naman, kami pa ba?" sabay-sabay naming saad. " 1,2,3 uy!" dagdag namin. Habit na namin iyon para ipakita kung gaano kami kahandang magperform.

Imbitado kasi kami sa isang university festival. Kami ang nangunguna sa listahan ng mga guest kapag school festival ang usapan. Dahil energetic daw kami on stage kaya nagiging paborito kami ng mga estudyante lalo na ng college.

"Anyare sa mukha mo 'ma Hazel?" puna ko sa manager ko. Dahil sa tanong kong iyon na bigla na lang sumeryoso pati sila 'ma Cynthia, Alice at Daisy. 

"Girls... Brace yourself. Eionn Santino is coming," mahinang sambit ni 'ma Daisy. 

"Legit, he's about to join in our company," dagdag ni 'ma Alice. 

Usapan palang naming apat kanina pero hindi pa rin namin mapigilang manlumo sa iisang dahilan. Nagkatitigan kaming apat-apat. Sa pagkakataong ito hindi kaswal na pag-aalala ang makikita at mababasa sa aming mga mata. 

Seems like another competitor is born. This time... A strong and untouchable one. 

"Huwag kayong mag-alala. Bilang lider ninyo, poprotektahan ko ang grupong 'to. Poprotektahan ko kayong tatlo," saad ko sa tatlo kong kasamahan at kaibigan.

Eionn Santino, don't come if your stupid goal is just to destroy us. Don't be hypocrite.