CHAPTER NINE

KASALUKUYANG nasa supermarket ng isang sikat na mall si Zalheia at namimili ng mga instant foods, gamit sa bahay, gatas at diaper ni Charlotte, at kung anu-ano pang bagay na mahalaga para sa pang-araw-araw na pamumuhay. She was with Morgan, ngunit saglit itong nagpaalam na pupunta muna ng comfort room.

"Tama na siguro `to," kausap niya sa sarili nang makitang halos mapuno na ng kanyang mga pinamili ang push cart na ginamit.

Pupunta na sana siya sa counter para magbayad nang maalalang nagpapabili pala ng gulay si nanay Saida. Plano raw kasi nitong magluto ng chop suey. Matagal-tagal na rin kasi silang hindi nakakatikim n'on.

She went to the Fruits and Vegetables Section. Kinuha niya ang mga gulay na kakailanganin para sa pagluto ng chop suey. May kaunti pa silang natitirang karne sa bahay kaya napagpasyahan niyang gulay na lang muna ang bilhin.

'Makabili na nga rin ng prutas.' kausap niya sa sarili nang maalalang wala na pala silang prutas sa bahay