FOUR

Nagising ako dahil sa sunod-sunod na pag-ring ng telephone na nasa side table.

"H-hello?" walang ganang sagot ko.

Ang sakit ng katawan ko, para akong buong araw na nagsaka sa bukid ng Hacienda.

"Rafaela! Gaga ka! Ano ang nabalitaan ko kay Atlas, ha? Andito ako sa labas ng bahay mo, pagbuksan mo ako dahil gusto kitang sabunutan ngayon!"

At para namang naging alarm clock ang sinabing iyon ni Trina na nasa kabilang linya na nagpabangon sa akin.

Naramdaman ko naman ang pagkirot ng aking ibabang bahagi ngunit kailangan kong bumangon, hindi ako maaaring magpakahina ngayon. Kaagad ko namang sinuot ang robe na nakapatong sa single sofa na nasa gilid ng kwarto at mabilis na bumaba para pagbuksan si Trina.

Yakap kaagad ang sumalubong sa akin pagkabukas na pagkabukas ko ng gate. Yakap ng isang kaibigan na kailangang kailangan ko ngayon pagkatapos ng nangyari sa pagitan namin ni Gabriel Mondragon kagabi.

"Bakit hindi mo sa akin kaagad sinabi, Raffi? P*****a kang gaga ka, virgin ka pa pala..." may himig ng frustration sa boses nito.

"Huwag mo na akong pangaralan, Trina... nangyari na ang mga nangyari, as if maibabalik ang pagkawarak ng hymen ko kapag inisip ko pa ang bagay na iyon. Ang mahalaga ay mabuntis ako at ma-survive ko ang halos isang taong pananatili ko rito," walang gana kong sambit sa kaniya.

"Satisfied ka naman ba?" Napakunot-noo ako sa tanong niyang iyon.

"Anong satisfied diyan..." maang kong tugon sabay irap.

"Malaki ba? Magaling? Ano na, Raffi... share naman!" parang gaga niya namang turan.

"Gaga ka ba, may asawa na ang tao..." sagot ko sabay buntong-hininga.

"Ano naman ngayon, atleast natikman mo pa rin siya, tapos magkakaanak pa kayo. Alam mo, Raffi bagay kayo ni Gabriel Mondragon!" sulsol niya pa na ikinainis ko dahil hangga't sa maaari ayoko na talagang mag-isip pa ng kahit na anong posibilidad sa pagitan namin ni Gabriel Mondragon, may asawa na siyang tao at ramdam ko namang mahal na mahal niya ito.

"Ayaw kong maging kabit..." tanging nasabi ko lang.

"Bakit sinabi ko bang maging kabit ka niya?" sambit naman niya sabay ngisi. Loka talaga 'tong Trina na ito.

"Hindi pero ganoon pa rin iyon, at ang sabi ko sa kaniya kagabi, mahalin niya ako kahit habang nagtatalik lang kami..." 

"A-anong sabi mo? Sinabi mo iyon! Ang lakas mo, Raffi... para kang hindi virgin kagabi ha."

"Bakit? I am just asking him to love me kahit kunwari lang habang ginagawa namin yung anak niya... anak ko rin iyong aampunin at aalagaan ng asawa niya, Trina. At mas maaalagaan at protektahan siya ni Gabriel kapag nabuo siya through love," paliwanag ko dahil iyon naman lagi ang sabi ng lola ko noon, na mas mamahalin mo ang isang anak na nabuo sa pagmamahalan ng dalawang tao, at mahihirapan kang pabayaan ito.

"Iba talaga kapag probinsyana, ano? Ang lalim mong mag-isip. Hindi na ako magtataka kapag dumating ang araw at ang isang gabing nasa kontrata niyo ni Mr. Mondragon ay maging dalawa, tatlo, hanggang balik-balikan ka na niya." 

"A-anong pinagsasabi mo, Trina. Hindi ako nandirito para manira ng relasyon ng dalawang tunay na nagmamahalan."

"Pero sa nangyari sa inyo kagabi, ganoon na rin ang kahahantungan no'n, Raffi. Mas mapapanatag pa siguro ako kung mas naisip niya pa rin na isa kang pro na baby-maker, just pure business, ngunit isipin mo na lang sa parte ng isang lalaki na nakatikim ng sariwang pagkain, at kasing ganda mo pa. I doubt it, hanggang ngayon ay laman ka pa rin ng isipan ni Gabriel Mondragon..." mahabang litanya nito na ikinailing ko lang. Minsan magaling din itong si Trina mang-demonyo ng isipan eh.

"Hindi ko na kasalanan iyon, kung magpapadaig siya sa libog," sambit ko.

"Alam mo minsan bitch ka rin, ano?" proud niyang bulalas.

"Hindi naman, sadyang may mga napagtanto lang ako dahil sa pagkawarak ng hymen ko kagabi... I need to be matured enough para hindi malugi sa business deal na ito..." 

"Dapat lang, ano! Kung iisipin niya na lang din na isa kang maduming babae, sulitin mo na kaya..." sambit niya kaya napangisi ako dahil naalala ko na naman kung paano ako ituring na isang pota ni Gabriel Mondragon kagabi bago niya ako iniwan.

"Binigyan niya na nga ako ng isang milyon kagabi... cash." 

"A-ano? Iba pa iyon sa limang milyong usapan niyo?" hindi makapaniwalang turan niya.

"Oo, tinapon niya sa h***d kong katawan na parang isang pota na kakatapos lang niyang gamitin at pagsawaan."

"Oh my gosh, ang jerk niya! Hindi niya man lang naisip na swerte nga siya at isang malinis na babae ang magdadala ng anak niya... gago talaga!" nahimigan ko ng inis at galit ang boses ni Trina ng sinambit ang mga bagay na iyon.

"Basta... ayaw ko ng makita ang pagmumukha ng Mondragon na iyon, Trina. Kung pwede sana, ikaw na lang ang makipagtransaksyon sa kaniya, once na magkalaman na ang tiyan ko." At napahawak naman ako sa aking sinapupunan.

"Okay, paano pala ang nanay mo kapag nalaman niya ito?" Muli akong napaisip sa sinabing iyon ni Trina.

"Hindi... hindi niya maaaring malaman na pinaupahan ko ang matres ko para may maipangbayad sa Carlos De Guzman na iyon! Paniguradong susumpain niya ako, Trina, na mas pinili kong magpaka-pota kaysa tanggapin ang alok na kasal ni Carlos."

"Eh bakit nga ba ayaw mo sa lalaking iyon? Panget ba?" curious na tanong niya sa akin, na ikinailing ko lang.

"Carlos De Guzman? Gwapo, matangkad, at may lahing italyano iyon..." pagbibigay opinyon ko naman sa itsura ni Carlos.

"Then bakit?" 

"Maliban sa sindikato ang pamilya nila... hindi ko siya mahal," iyon lang ang sabi ko.

"Pero nagpapako ka ng kay lalim kay Gabriel Mondragon na isang may awasang tao?" 

"B-basta, Trina... huwag mo na akong kinakausap..." iritableng tugon ko na lang sa kaniya dahil sa totoo lang hindi ko na rin alam pa ang mga pinanggagawa ko sa buhay ko.

***********

Three weeks later...

GABRIEL'S POV

"Pare, positive..." bungad sa akin ni Atlas nang pumasok ito sa opisina ko.

Napatingin naman ako sa kaniya ng nakakunot-noo.

"Anong positive?"

"Buntis na si Rafaela..."

Napahigpit ako sa pagkakahawak ko sa sign pen at napatigil sa pagpipirma ng mga papeles.

"Talaga?" tanging nasambit ko lang na hindi alam ang magiging reaksyon pero masaya ako.

"Oo, kakatawag lang ni Trina sa akin."

"Bakit hindi ako tinawagan ni Rafaela..." takang tanong ko dahil simula ng gabing iyon wala na akong narinig na kahit ano tungkol sa kaniya.

"Ayon pala, Gab... ayaw ni Rafaela na makita ka, magkita na lang daw kayo kapag nanganak na siya. And about sa mga needs niya sa pagdadala ng anak mo, si Trina na lang daw kontakin mo. At iyong kalahati raw sa napag-usapan kapag nabuntis na siya, ibigay mo na lang daw kay Trina," imporma ni Atlas.

Hindi ko alam pero napakuyom ako sa sinabing iyon ni Atlas, ano bang gusto ng babaeng iyon. At bakit siya ang masusunod, eh ako naman ang tatay ng batang pinagbubuntis niya.

"Hindi pwede. Ako ang masusunod sa business deal naming ito... sa ayaw o sa ayaw niya, I will visit her kung gugustuhin ko." 

"Basta bahala na kayong mag-usap diyan ni Rafaela. Pero ang swerte mo rin ano? Nakakuha ka ng baby-maker na virgin."

Bigla namang nanumbalik ang gabing pinagsaluhan namin ni Rafaela Santiago...

"Hindi mo ba alam na mas magandang mag-alaga ng isang batang nabuo dahil sa pagmamahal ng dalawang tao? I am not telling you to love me after this night... I am just asking you to please, kahit kunwari lang ngayong gabi, mahalin mo ako, at ganoon din ako sa iyo. Let's not think of other things, tonight but just you and me. Atin lang ang gabing ito, angkinin mo ako at ganoon din ako sa 'yo... for the sake of your future heir."

Ilang gabi rin akong binangungot dahil sa mga salitang binitawan ng babaeng iyon. Akala ko talaga ay isa siyang professional na baby-maker, but damn! She's a fuckin' virgin. At hindi ako pinapatulog ng konsensya ko dahil sa katotohanang iyon! Mahirap tanggapin sa kalooban ko iyon na parang niloko ko ang asawa ko dahil sa ginawa kong iyon. Ngunit nangyari na ang mga nangyari, buntis na ngayon ang babae at bakit ganito... gusto ko siyang makita ngayon. Gusto kong maging parte ng pagbubuntis niya ang presensya ko. Fuck!