Kabanata 34 - Paso

Ang lugar na kanilang kinatatayuan ay parang isang makitid na daan para sa mga kaaway, makikita mo sila sa kahit na saan.

Sa pagsulyap niya kay Enrico at Rebecca sa may pinto ay medyo sumama ang kaniyang loob.

‘Andito na ako, eh. Nauna ako rito. Akala ko pa naman relaxing ang ambiance pero bakit ang bilis naman ata akong sundan ng stress? Hays.’

Pagtingin sa masasarap na pagkain sa mesa, biglang nawalan ng ganang kumain si Carmina. Ngunit hindi pwedeng ang kaniyang sarili lamang ang dapat niyang isipin, sa pag-aalaala tungkol sa sanggol sa kaniyang tiyan, wala siyang ibang magawa kundi ang kumain pa rin ng marami.

Lalo na ang mga masusustansyang tulad ng hipon at isda. Bagama't medyo malansa ay kinain pa rin niya ang mga ito at mukha naman nasiyahan ang loob ng kaniyang tiyan.

Pagkatapos naman niya kumain, tumingin si Carmina sa lalaking nasa tapat niya, “Mang Tony, pwede ko bang tanungin kung gaano mo na siya katagal na nakakasama?”

“Uhm, ibig n’yo po bang sabihin ay si Sir Enrico?”