Kabanata 464

“Oo, naiinggit ako sa kaniya dahil mayroon siyang mga magulang na nagmamahal sa kaniya, at naiinggit ako sa kalayaan na mayroon siya.”

Naramdaman ni Maisie na totoo nga ang inggit nito kay Nolan dahil sa lungkot sa mga mata ni Helios.

Walang emosyon na dinagdag ni Helios, “Mayroon nagsabi sa akin na isang trahedya kung walang pangarap at lakas ng loob ang mga tao para mabuhay para sa mga sarili nila, kung ang alam lang nila ay sumunod sa batas at mabuhay sa mundong ‘to, itinatawid lang ang bawat araw.”

Lumingon siya kay Maisie. “Ang taong nagsabi nun ay ang nanay ni Nolan, si Tita Natasha Knowles.”

Bumuka ang bibig ni Maisie pero hindi siya nagsalita.

Nagpatuloy sa pagsasalita si Helios. “Istrikto talaga ang mga elders sa pamilya ko. Noong bata ako, bukod sa pag-aaral ng etiquette at mga established practice, kailangan ko rin magbasa ng iba’t-ibang libro para lumawak ang kaalaman ko. At pagkatapos kong pumasok sa isang private college, mas kinailangan kong mag-aral. Kaya nama