Kabanata 1075

Natahimik ang assistant ni Xyla.

“Kung ganoon, maglabas tayo ng warning letter.”

“Kumalma ka, Mindy. Hayaan mo siya,” Sabi ni Xyla. Kinuha niya ang isang tasa ng fruit tea at uminom. “Mayroong taong mag-aasikaso sa kaniya para sa atin.”

Dahil mayroong taong gustong magpakabayani, bibigyan na lang ito ng pagkakataon.

Natigilan si Mindy. Hindi niya alam kung dapat siyang maniwala kay Xyla o hindi. Pagkatapos ni Xyla sa fruit tea niya, dumighay siya. Saka niya tiningnan si Mindy at sinabi, “Bumili ka ulit ng isa pang fruit tea para sa akin. Gusto ko yung malamig. Pagkatapos, ilagay mo sa kotse. Ang init ng panahon.”

Nang umalis si Mindy para gawin ang utos ni Xyla, ilang mga aktres sa tabi ng female lead actor ang napalingon at tiningnan si Xyla.

Nakasuot ng isang pares ng sunglasses si Xyla. Tinakip niya ang script sa ulo niya at naidlip. Hindi siya nag-rehearse kasama ang mga babaeng lead actor. Isa sa mga aktres ang hindi na nakatiis at sinabing, “Pwede namin palampasin na sumali