Chapter 34. Bottomless!

Nang makaakyat na sila ng cliff ay naroon sina Arjoe at Clark sa lilim ng puno at may bonfire pa sa harap nila. May iba ring gamit pang-picnic na nakalagay sa gilid at may barbeque grill stand na nakahanda at umuusok. Parang pinaghandaan talaga nila lahat. At nang makita sila ng dalawa ay agad na kumaway si Arjoe at ngumisi.

Kunot ang noong lumapit siya sa dalawa. Paano nilang nalaman na nandito sila at nagdala pa ng mga ganito?

“Nag-text si Selena sa amin kanina,” paliwanag ni Arjoe na animo nababasa ang katanungan na mayroon sa utak niya.

“Ah, I see,” tumatangong bigkas niya.

“So, paano ba ito kakatayin?” tanong ni Selena na itinaas ang hawak na koneho. Kumawag pa ang hawak nito na pilit kumakawala sa hawak ng dalaga. Ngunit ang ginawa lang ng huli ay mahinang tinapik ang koneho at sa gulat ni Elmhurst ay hinawakan nito ang leeg ng koneho at wala pang isang minuto ay narinig nila ang ingay ng nabaling buto mula sa leeg ng hayop. Ihahagis saa nito sa bonfire ang patay na koneho pero