Chapter 100

Samantala sa bahay ni Phillip ay kinausap siya ni Donya Isabel habang naguahanda siya ng hapunan.

"Iho, kailangan na naming makabalik sa mansion. Nakakaabala na kami dito at bukod pa roon kailangan na nating asikasuhon ang mga ari arian ng mga Del Valle. Kailangan ko ring asikasuhin ang legality ng mga papeles mo bilang tagapagmana na rin ng Del Valle ganun din si Elija. Maraming Kailangang gawin" sabi ng matanda.

"Pero po delikado pa kayo sa mansion at hindi naman po kayo nakakaabala sa akin dito. Mas kampante pa nga po akong naririto kayo at nakikita ko" sabi ni Phillip.

"Ilang araw na rin ang lumipas pang limang araw na ngayon pero wala naman balitang ginawang kilos si Paula hindi ba? Hindi rin daw ito namamataan sa presinto at malamang tumakas lang yun at nagpakalayo layo na lamang" sabi ni Donya Isabel.

"Hindi maaring makagalaw si Paula dahil wanted na siya. Agad nagsagawa ng operation man hunt ang mga kapulisan ng araw na nagreport tayo. Huwag kang magalala sa amin sa mansion na