7 - Captain Or King

Nagulat si Lianne nang bigla siyang lapitan ni Trixie at Hera. Wala silang masyadong customer nang araw na iyon at hindi naman sila pinagbabawalan ni Ms. Williamson na magdaldalan basta nagagawa pa rin nila ang kanilang trabaho. Gano`n kabait ang kanilang amo. 

"Hoy babae, ano ba talaga ang pagitan niyo ni Ms. Kate? Bakit sinasabi niyang sinira mo ang gown niya?" echoss na pagtatanong ni Trixie. Umalon-alon pa ang kilay. 

Hindi niya pinansin ang pagtatanong nito. "Wala ka ba gagawin? Makikita ka sa cctv..."

"Huwag mo nga iwasan ang tanong namin babae ka. Hindi ka talaga namin titigilan hanggang sa pumuti 'yan buhok mo." maarteng saad ni Hera at pinandilatan pa siya ng mata.

Pinagwalang bahala pa rin niya ang pananakot nito. Actually, ayaw niya nang balikan pa sa utak ang pangyayaring iyon dahil nabubwesit lang ang araw niya lalo na at kung iisipin, wala siyang kasalanan. Bigla na lang itong