Chapter 1

Kylie

Magmamadaling araw na, pero nandito pa rin ako sa isang bar at halos di na maka gulapay sa sobrang kalasingan.

Kanina pa rin may lumalapit sa aking mga babae man o lalaki na gustong makipag kilala.

Pero wala man lang akong pinansin sa kanila kahit isa. Hanggang ngayon ay hindi ko matanggap na wala na talaga kami ni Andrea. Tuluyan nya nang tinapos ang anumang ugnayan namin sa isat-isa.

Wala naman akong magagawa doon. Isa lang naman akong dakilang kabit nito. Kung kailan kailangan niya ako saka pupuntahan. Kung kailan nangangati ito at kailangan na may kumamot sa kanya nasa akin siya. Pero after nun wala na ulit hindi na ulit niya ako kailangan.

Siguro nga tama ito na hindi talaga kami para sa isat-isa, kahit na mahal na mahal ko sya ay hindi na ako mag hahabol pa dito. Dahil kahit anong gawin ko ay di talaga pwede kasi nga may asawa na ito.

Tsaka pagod na rin ako. Pagod na ako kaka hintay dito sa mga pangako niya na kailanman ay walang natupad. Dahil sa huli ang asawa pa rin ang pinili nito kaysa sa akin.

Mag po focus na lang muna ako sa company at mag mo move on na ng tuluyan.

Maya lang ay tumayo na rin ako sa counter at nag iwan na lang doon ng ilang lilibuhin.

Mabuti na lang at may driver ako. Kaya kahit mag paka lasing ako ay ok lang din.

Agad na kaming umalis sa bar at nag pahatid na lang ako dito sa isang resorts ko sa Batangas. Doon muna ako pansamantala habang nag papagaling pa ang aking sugatang puso.

Nang makarating na kami sa resort ay agad na nagising naman ang aking katiwala dito at inasikaso nito ang tutulugan ko.

"Pasensya na po Ma'am at di po nalinis agad iyong kwarto nyo. Di po kasi namin alam na bibisita po kayo dito eh." Nakayukong hingi ng pasenya ni manang.

"Ok lang po. Sa isang mga kwartong available na lang po muna siguro ako matutulog dito. Saka na lang ako lilipat sa kwarto ko pag ok na." Inaantok na sabi ko naman kay manang.

"Sige po Ma'am, saglit lang po at e handa lang po muna."

Tumango na lang ako at naupo muna dito sa may couch ng receiving area.

Maliban kasi sa clothing lines ay ang pag tayo ng mga resorts and hotel ang isa pa sa mga business ko.

Maya lang ay bumalik na si manang at ok na daw ang tutulugan ko.

Sinamahan naman ako nito pa punta sa kwarto. "Ma'am Kylie bukas na bukas po at ipa lilinis ko po agad ang inyong kwarto sa bahay." Nahihiyang sabi nito sa akin.

"Ano ka ba manang ok lang po. Sige na po at masyadong gabi na. Matulog na rin po kayo." Pag tataboy ko na lang dito.

Pumasok naman na ako sa room at agad ng nahiga at kanina pa ako antok na antok. Isama nyo pa na lasing ako.

Dala na rin ng pagud at kalasingan ay naka tulog ako agad ng di nakakapag palit ng damit.

Mataas na ang araw ng ako ay magising dahil sa walang tigil na pag ring ng aking cellphone.

Tinignan ko naman kong sino itong tumatawag. Si Maryanne pala ang aking secretary na madalas noon pag selosan ni Andrea.

"Hello Maryanne, bakit ka napa tawag?" Sagot kong tanong dito sa inaantok pang boses.

"Ma'am Kylie asan na po kayo? Kanina pa po dito sa office ang mga investors na gustong makipag usap sa inyo." Paliwanag nito sa akin.

"Pabalikin mo na lang sila next week at di ko sila mahaharap ngayon. May importante akong ginagawa. Paki adjust na rin ang aking schedule ngayong week na ito." Bilin ko naman dito.

"Ganun po ba Ma'am? Sige po ako na po munang bahala dito." Sagot nito sa akin. Maasahan ko talaga itong si Maryanne sa halos lahat ng bagay.

Kaya nga ang laking tulong nito sa akin nang maging secretary ko sya mag dadalawang taon na ang nakakaraan.

Mas matanda lang ito sa akin ng dalawang taon. Kaya tuloy mas madalas pa itong pag selosan ni Andrea noon.

Madalas pa nitong sabihin sa akin na bakit daw lagi kong kasama ito. Natural kako na kasama ko ito palagi at secretary ko sya.

Alangan naman kung sino lang ang kasama ko lalo na pag may mga ka Business meeting kami sa labas.

Gusto pa nga nito na palitan ko na lang daw ito at mag hanap ng iba. At ang gusto nya ay sya ang pipili. Pero di ako pumayag. Bakit pa ako mag papalit eh napaka ayos ng trabaho nito.

Ilang araw din na nag tampo ito sa akin at di nag paramdam. Pero di rin naka tiis at pinuntahan din ako sa condo ko.

Buti na nga lang at di ko ito sinunod noon eh. Di sana wala akong mapag kakatiwalaang tao sa office ko ngayon.

Tuluyan na rin akong bumangon sa aking kama pagkaraan ng ilang pag mumuni muni pa. Kailangan ko maging busy ngayon at ng di na maka singit pa sa utak ko at maalala na naman si Andrea.

Masakit ang ulong tumayo na ako sa kama at nag tuloy sa cr upang gawin ang aking daily routine.

After that ay lumabas na ako ng kwarto at nag lakad lakad dito sa palibot ng aking resort.

Mukhang madami dami ang bisita namin ngayon ah. May mga grupo ng kabataan at mga pami pamilya akong nakikita na nag lalakad din dito sa may dalampasigan.

Maya lang sa sobrang pag iisip ko ay may nabangga ako bigla. Sa sobrang lakas non ay pareho kaming natumba sa buhanginan.

Sapo ang ulong nasaktan ay dahan dahan akong nag angat ng tingin upang tignan kung ok lang yung naka banggaan ko.

Isang nag liliyab na mga mata ng magandang nilalang ang aking nasilayang naka tingin sa akin ngayon.

"Tanga ka ba ha!!? Ang luwang luwang ng pwede mong lakaran eh dito ka pa talaga dumaan at binangga mo pa talaga ako.!!" Sigaw nitong galit na galit sa akin.

Sayang maganda sana ito. Kaya lang eh parang tigre kung magalit. Kainis