Chapter 8

CASSY

"Wala na sa akin ang necklace na 'yon, Izza," malungkot na sagot ko kay Izza na kaibigan ko.

"Huh?! Ano?! Wala na sa 'yo ang necklace na 'yon na ninakaw mo? Paano nangyaring wala na sa 'yo, huh? Ninakaw mo 'yon, 'di ba?" nagtatakang tanong niya sa akin.

"Ninakaw ko nga ang necklace na 'yon, Izza. Pakinggan mo muna ang sasabihin ko sa 'yo para maintidihan mo talaga nang buong-buo kung bakit wala na ito sa akin na hindi ko man lang napakinabangan," sabi ko sa kanya.

Tumango siya at nagsalita, "O, sige. Makikinig ako. Hindi muna ako magsasalita sa 'yo. Pakikinggan muna kita sa sasabihin mo, Cassy."

"Lumabas ako kanina dito sa mansion nang walang nakakaalam o nakakakita para tumungo sa pawnshop para isangla ang ninakaw ko na necklace na pagmamay-ari ni Ma'am Rosaline. Sumakay ako ng jeep patungo doon. Habang naglalakad ako patungo sa pawnshop na pagsasanglaan ko ng ninakaw kong necklace ay kinuha ko ang kulay puting panyo ko sa bulsa ko kung saan doon rin nakalagay ang necklace na