Chapter 73

ZACH

Nailipat ko nga ang pera ko sa account ni Cassy na girlfriend ko para hindi ito pakialaman ng mga magulang ko. Alam ko ang puwedeng gawin nila kaya kailangan na unahan ko na sila sa posibleng gawin nila. Naunahan ko naman nga sila kaya nakuha ko ang lahat ng pera ko. Hindi ako matatakot kahit tinakwil nila ako bilang anak nila.

Bumalik kaagad kami ng girlfriend ko na si Cassy sa hotel kung saan kami naka-check-in. Tinawagan ko rin ang best friend ko na si Warren para sabihin kung nasaan kami ni Cassy at ano ang nangyari sa aming dalawa. Sinabi ko na rin na magkasintahan naman na nga kaming dalawa.

Natuwa naman siya matapos kong sabihin 'yon sa kanya ngunit nandoon ang lungkot dahil sa sinapit namin. Nalaman na ng mga magulang ko ang tungkol sa aming dalawa at ang ginawang pagnanakaw ni Cassy sa necklace ni mommy.

"Ano na ang gagawin n'yo ngayon, bro?" tanong nga niya sa akin. "Nasaan pala kayo ngayon, huh?"

"Naka-check-in kami sa isang hotel, bro. Wala naman kaming matutuluyan sa