Chapter 66

JENA

Ikinalma ko ang sarili ko bago ko sinagot ang tanong na 'yon ni Ma'am Rosaline sa akin kung bakit gising pa ako ng ganitong oras. May tanong rin naman ako sa kanilang dalawa at parehas lang sa tanong nilang 'yon sa akin kung bakit gising pa rin sila. Magsasalita na sana ako nang magsalita muli si Ma'am Rosaline sa akin.

"Nakita mo ba na lumabas si Zach?" tanong ni Ma'am Rosaline sa akin habang tahimik lang sa tabi niya si Sir Zach. Magsisinunggaling ba ako sa tanong niyang 'yon sa akin? Hindi naman Tama kung magsisinunggaling ako sa kanilang dalawa lalo na kay Ma'am Rosaline. Gusto ko na sabihin sa kanilang dalawa na mag-asawa ang nakita ko.

Bago ako sumagot sa tanong ni Ma'am Rosaline kung nakita ko ba si Sir Zach na lumabas ay huminga muna ako nang malalim at saka nagsalita sa harapan nilang dalawa na mag-asawa.

"Opo. Nakita ko po si Sir Zach na lumabas sa mansion," sabi ko nga sa kanya. Nagkatinginan silang mag-asawa matapos kong sabihin 'yon sa kanila na nakita ko si Sir Zach