Chapter 69

KEYLA

Pababa na ako ng hagdan nang makita ko si Hana, bitbit ang kanyang mga gamit katulong niya si Doc. Alvin.

“Sasama ka na sa kanya?” Tanong ko kay Doc.

“Yes, ihahatid ko lang siya pabalik ng Manila. Pagkatapos babalik din ako dito at tutulong akong maghanap kay Thiago.” Sagot niya sa akin.

“Wag kang sumama, mapapahamak ka lang.” Paalala ko sa kanya.

“Nagkakamali ka kung inaakala mong spy si Hana. Hindi siya kagaya ng iniisip mo.”

Nakayuko lang si Hana habang nag-uusap kaming dalawa at harap-harapan ko ng sinasabi sa kanilang lahat na hindi siya dapata pagkatiwalaan.

“Keyla, pumayag na akong umalis siya para matahimik ka na.” Sabat naman ni Harvey na nakaupo sa sofa.

“Huwag mo na akong samahan Doc. Alvin. Kaya ko naman umuwi sa amin. Tatawagan na lamang kita kapag nakauwi na ako.” Baling ni Hana sa kanya. Sabay tingin sa akin.

“Hindi ako spy, nagkakamali ka ng hinala mo Ms. Keyla. Wala akong alam sa binibintang mo. Ang gusto ko lamang ay magtrabaho ng maayos. Pero dahil ayaw mo sa